MUP East Lungdar Area Conference nei

Nimin khan Mizoram Upa Pawl (MUP) E.Lungdar Area Conference Vawi 11-na chu Thangburha Hall, E.Lungdar ah neih a ni a, Dr. K. Lalbiakzuala, Director NHM chuan khuallian niin a hmanpui a ni.

He hunah hian Dr. K. Lalbiakzuala chuan, upate hi hnam ro hlu an ni a, zah an phu a ni, tiin Upate chu \hangthar leh naupang zawkte entawn tura awm zel tura fuihin, an hriselna ngai pawimawh tur leh hrisel tur chuan invawn thianghlim a \ul thute a sawi bawk. NHM Director chuan, “Mizo ten Cancer kan vei nasa em em a, a chhan bul ber pawh zuk leh hmuam lama kan in thlahdah lutuk vang nia hriat a ni. Malaria kan vei fo nachhan pawh khawlaia tui tling \awp tak tak kan siam nasat vang te leh faina leh thianghlimna lama hma kan sawn loh vang te a ni. Natna hrang hrang avangin kan sum, kan hun, kan tha leh kan nunna thlenga kan hloh nasat zia hriain invawn thianghlimna lama \an lak kan ngai hle a ni,” a ti. MUP East Lungdar Area Conference ah hian palai mi 300 vel an kalkhawm a, ‘Upate Mawhphurhna’ tih thupuia hmangin Pastor B. Lalengzaua, UPC (NEI) chuan thupui a sawi a, Unit hrang hrang ten Lengkhawm Zai intihsiakna an nei bawk.