Latest News

Serchhip damdawi In rawn zirchiang

Mizoram-a District Hospital hrang hrang dinhmun enfiahtu, Quality Assurance Moni-toring te chuan Serchhip District Hospital tlawh mekin nimin khan thawktute nen inkawmna an nei.
National Health Mission (NHM) a\anga rawn kal Quality Assurance Monitoring Team te hi Dr. Lucy Chawisangzeli leh Dr. Evelyne Lalrem-sangi, State Consultant te niin niminpiah khan Serchhip District Hospital hi tlawhin a dinhmun hrang hrangte an zirchiang a, Monitoring Team ten an sawi danin District Hospital hrang hrangte chu Quality Assurance Standard an phak theihna tura hmalak a nih thu sawiin, he Standard hi an phak hunah hian Cenrtificate pek an nih tur thu leh Certificate an nei anih chuan kum 3 chhung nungin, hemi chhung hian Khum pakhat zelah Rs. 5000/- zel hisapa sum an hmuh theih dawn thu an sawi a, hemi atan hian District Hospital te hi enfiah hna an thawk tih an sawi a ni.
Quality Assurance Monitoring Team te chuan sorkar in District Hospital te dinhmun tur leh nihna tura bithliah a neih hmanga zirchianna hi kalpui a nih thu sawiin, tun dinhmun ah Ser-chhip District Hospital-ah hmalakna tur tam tak ala awm thu an sawi a, Hospital ti chiangtlung tura hmalakna hrang hrang la awm te leh report leh document pawimawh vawn dan turte chu nimin chhun khan CMO Conference Hall-ah District Medical Superintendent, Dr. ZD. Lalmuanawma kaihhruaiin sawihona leh in-hrilhhriatna hun an hmang leh a, tuna damdawi In an enfiahna chu inelna a nih loh thu sawiin, Hospital tih changtlunna tur leh inrelbawlna \ha a awm theihna tura enfiahna a nih thu an sawi a, District danga District Hospital te pawh enfiah chhoh zel a nih dawn thu an sawi bawk. Tuna an enfiah bakah hian enfiahna hi kalpui zel tum a nih thu pawh sawiin, an enfiahna a\anga rawtna an neih te chu bawhzuiin Quality Assurance Standard an phak theih nan hmalak zel a nih dawn thu an sawi bawk.

Comments

Popular News (Last 30 Days)