Mizoram chu thlai engkim \hat duhna hmun anih avangin State intodelh leh state awhawma siam theih a ni - Chief Minister

Nimin a Mizoram Legislative Assembly inkhawm ah Chief Minister, Lal Thanhawla chuan Mizoram chu thlai engkim \hat duhna hmun anih avangin state intodelh leh state awhawma siam theih a ni, a ti a. Session \an Ni-a Larsap thusawi chungchanga lawmthu sawina Motion putluh chu lungrual taka pass a ni bawk.

Nimin-a Mizoram Legislative Assembly inkhawm ah niminpiah a Assembly House-a Governor thusawi chungchanga lawmthu sawina motion lut chu sawiho a ni a, Member ten sawihona an neih hnuah sawihona tlangkawmin Chief Minister, Lal Thanhawla chuan Mizoram chu thlai engkim \hat duhna hmun anih avangin state intodelh leh state awhawma siam theih a nih thu a sawi a, Chief Minister chuan kuthnathawktute dinhmun chawikang tur leh an tharchhuah tipung turin Sorkar chuan NLUP hmangin hma a la a, kuthnathawktute thawhchhuah pawh a pung chho a ni, a ti a, tunah hian chhawmdawl zui ngai leh puih zui ngaite tan Sorkar chuan New Economic Development Policy (NEDP) a kalpui chhunzawm leh a, hei hi eikhawp \awk \awk tharchhuah \hin a\anga hralhchhuah tham tharchhuak thei tura beihpui thlakna tur a ni, a ti.

Chief Minister chuan ram lak dawna zangnadawmna dik lo taka phut ching an awm \hin chu tun dinhmuna Mizoramin hmasawnna hnathawhna kawnga harsatna a tawh lian ber pakhat a ni, a ti a, Japan Sorkar puihna hmanga Aizawl leh Tuipang inkar National Highway laih zauh hna thawh turah pawh tunah hian compensation pek \ulna tur In ding 5000 chuang a awm leh tawh a ni, a ti a, mi tam takin zangnadawmna hmuh beiseiin In thar an sa leh mek bawk nia sawi thawmte pawh a awm thu a sawilang a ni.

Lawmthu sawina motion sawihona-a member te thusawi dan chu lawmawm a tih thu pawh sawiin Chief Minister chuan, eptu member ten thil \ha an duhzia an lantir chuan sorkar pawh a ti phur a ni, a ti a, Mizoram sum leh pai dinhmun chawikang tur leh state hmasawna siam turin Sorkar chauh ni lo, ram leilung fa zawng zawngten mawh-phurhna in chen tlang kan nei a ni, a ti bawk.

Sawihona zawhfel hnu hian Governor-in House chhunga a thusawi chungchanga Congress Member, Lalrobiaka'n lawmthu sawina motion a putluh chu House chuang lungral takin a pawm zui a, Speaker, Hiphei chuan Vawiin chawhma dar 10.30 a chhunzawm leh turin nimin a rorel inkhawm chu a titawp a ni.