National Commission for Women Member in Mizoram Chief Minister a kawm

Mizoram tlawha rawn zin, National Commission for Women (NCM) Member, Hmarchhak enkawltu, Rekha Sharma chuan Chief Minister, Lal Thanhawla kawmin ramchhung hmundang nena khaikhinin Mizoram-ah Hmeichhiate dinhmun chu a \ha zawk nia a hmuh thu a sawi.

Chief Minister chenna In-a an inkawmna ah hian Rekha Sharma chuan Mizoram-a a cham chhunga Mizoram a hmeichhia te dinhmun a zirchian thu leh hmeichhe pawl hrang hrangte nen inkawmhona hun \ha tak neiin, an dinhmun chawikanna atana thil pawimawh an sawiho thu te, hmeichhe lung In tang leh humsual dai leh vanduaina tawk hmeichhia te enkawlna Protective Home te a tlawh thu Chief Minister a hrilh a. Ramchhung hmundang nena khaikhinin Mizoram-ah hmeichhiate dinhmun chu a \ha zawk nia a hmuh thu a sawi a, nimahsela inrebawlna, a bik takin State chhunga inrelbawlna sang ber Assembly leh inrelbawlna dangah te hmeichhia aiawh tun aia an tam a pawimawh a ni, a ti bawk.

Rekha Sharma chuan hmeichhia te tan Jail chu Reform Centre a nih laiin, Central Jail chu hmeichhia te tan insiam\hatna hmun a tlinglo a ni, a ti a. “He hmunah hian hmeichhia te tan inzirna a awm lo a, Skill Development lam emaw, inchawikanna kawng a awm lo,” a ti a. He hmuna naupang awm te pawhin damdawi leh ei leh in \ha an hmuh loh thu leh Jail chhunga inrelbawlna a \halo hle ni a a ngaih thu a sawi bawk. Crime Against Women Centre pawh tlawhin hmeichhe Police 3 chauh awm chu a tawk lo tiin, kum 2008 a\ang khan 3 bak hi lakluh an nih loh thu a sawi a, Protection of Children From Sexual Offences (POCSO) case an neih-ah hmeichhe doctor an nei lo chu a felhlel a tih thu a sawi a, POCSO case hi Mizoram-ah a tam tual tual tih sawiin, kum 2015 khan case 71 awmin, 2016-ah 103 awmin kumin thla thum chhung hian case 19 a awm tawh avangin hemi kawngah hian Awareness leh a tuarte enkawlna lamah \an lak a ngaih thu a sawi bawk a. Mizoram-ah hmeichhe dinhmun chu State dang ai chuan \ha mahse thingtlang lamah inchhungkhur a tharum thawhna a tam hle tih a sawi lang bawk.

Chief Minister chuan tun aia hmeichhe MLA tam zawk neih chu mimal tak pawha \ha a tih thu sawiin, Mizoram-a hmeichhiate dinhmun chawikanna atan Sorkarin hmalakna a neih dante te a sawi a, VC leh AMC-ah te pawh hmeichhia te tana seat hauhsak an nih thu te a sawi bawk.