Indian Vision Institute leh ZEP ten zirlaite hnenah Tarmit an sem

Nimin March 14, 2017 khan Indian Vision Institute leh Zoram Entu Pawl (ZEP) \angkawp chuan Serchhip leh Chhingchhip-a zirlai naupangte hnenah a thlawnin Tarmit an sem.

Indian Vision Institute leh Zoram Entu Pawl (ZEP) te hian tunhnai khan Serchhip leh Chhingchhip-ah zirlaite tan a thlawna Mit entirna hun an lo buat-saih tawh a, naupangte Mit enfiahna hunah hian naupang 549 te enfiah niin heng naupang te hi Serchhip-a School 45 leh Chhingchhip a\angin School 7 an ni a. Heng zirlaite zinga 51 chu Refrac-tive Errors-a diagnosed niin School naupang 12 te chu refer lehkha pek an ni bawk a ni.

Nimin a Tarmit semna hunah hian Indian Vision Institute-a CEO, Vinod Daniel chuan naupang ten an zirna ah rah \ha a chhuah theihna tur chu an Mit-ah thui tak a innghat tih sawiin, naupangte hian an zirlai zaa 80 chu an khaw-hmuh a\anga an zir a nih thu a sawi a. Hetiang a nih lai hian an Mit lam enkawl chu ngaihthah a nih fo \hin thu sawiin, chuvangin naupang ten Mit fiah \ha an neih theihna tura hetiang hun buatsaih fo \hin a pawimawh thu a sawi a. Zoram Entu pawl te nen hetiang atana thawhhona \ha tak an nei thei chu lawmawm a tih thu a sawi a, zirlai naupangte zingah hetiang lama harsatna nei an awm anih chuan ZEP thuneitute hnenah thlenin, hma an lak pui zel dawn thu a sawi bawk. He hunah hian ZEP Director, Fr. S. Law-rence Kennedy pawhin hetiang hun buatsaih fo chu Mizoram tana thil pawimawh a nih thu a sawi a, hetiang hun an buatsaih chu zirlai naupang, dinhmun lama hnuaihnung zawk ten an lo chhawr \angkai zel theih nan chhunzawm zel nise a duh thu a sawi bawk.

Nimin a zirlaite hnena Tarmit semna hunah hian Indian Vision Institute-a CEO, Vinod Daniel leh Zorem Entu Pawl-a Director, Fr. S. Lawrence Kennedy ten naupangte hnenah hian Tarmit an sem a ni.