Latest News

Entlang-a Company bungrua rutu a puhte Police in man

Tunhnaia Serchhip Entlang-a Reliance Telecom Company te Battery leh BTS Card rutu a puh mi 3 leh heng mite thil hralhruk lo leitu mi 2 te chu Serchhip Police ten an man.
Serchhip Police te chuan tunhnai khan FIR dawngin he FIR-ah hian Serchhip Entlang-a Reliance Company in Tower an dahna hmuna Backup Battery (22 Cell), Rs. 1,00,000/- hu leh BTS Card 5, Rs. 1,80,000/- hu, a vaiin Rs. 2,80,000/- hu zet chu February 28, 2017 leh March 11, 2017 inkar chhung khan a bo a, hemi chungchanga FIR an dawn hi Serchhip Police te chuan bawhzui nghalin heng thil rutu nia hriat hnamdang mi 3- Mukitur Rahman (22) S/o Amir Uddin, Katanpur, Karimganj District; Halim Uddin (22) S/o Roich Ali, Radhamadh-pur, Karimganj District leh Najir Uddin (21) S/o Mosabir Ali, Radhamadhpur, Karimganj District te chu an man a ni a, heng mite hi bung-raw \henkhat fit tura Entlang-a hnathawk a rawn kal tawh te nia hriat an ni.
Heng mite thu an zawhfiahna a\ang hian heng Battery leh BTS Card an hralhna, Aizawl Sikulpuikawn-a thirchhe leitu mi 2- Sihab Uddin (22) s/o Abdul Rajak, Karimganj leh Jasim Uddin (22) S/o Abdul Khilig, Karimganj te chu Aizawl-ah Serchhip Police ten an zuk man hnuah nimin zing khan Serchhip rawn thlenpui a, heng mi 2 te hian heng Battery leh BTS Card te hi thirchhia anga an lei thu leh a vaiin Rs. 45,000/- a an lai thu an sawi a ni.

Comments

Popular News (Last 30 Days)