Town Development Committee \hutkhawm neih a ni

Serchhip Town Development Committee chuan nimin chawhnu khan Serchhip Sub-Hqrs. YMA Committee Room-ah Meeting neiin an hmalak tawhna an thlirlet bakah hmalak zel dan tur an sawiho.

Serchhip Town Development Committee \hutkhawm hi an Chairman, PC. Vanlalsawma chuan kaihruaiin an Secretary, LP. Lalsanglura chuan tunhnaia an hmalakna hrang hrang a tarlang a, heng an hmalakna a tarlan zingah hian Serchhip AOC Veng a\anga P&E Veng panna kawng laihzauh tum anih thu leh hna pawh \an thuai tum a nih thu te, Serchhip Field Veng-a Auditorium panna kawng chu mi tlawmngai te inpekna azarah laihzauh hna thawh mek a nih thu leh an kawng laih chu blacktop tura hmalak mek a nih thu te leh Leisekawt Field bula zawl, Leivung dahna atana hman \hin laihzauh tak chu blacktop tum a nih thu te a sawi a. Heng hmalakna hrang hrang an tarlan hnu hian hmalak zui zel dan tur sawiin, Serchhip Field Veng-a Auditorium panna kawng laihzauh hmabak la awm chu lai chhunzawm leh tura hmalak an rel a. Heng bakah hian an hmalakna kal mek hrang hrangte chu a theih ang anga chhunzawm leh nise an ti bawk a ni.