Mizoram hmasawnna leh sorkar hmalakna hrang hrang Assembly House-ah Larsap in a sawilang

Mizoram Legislative Assembly 7-na \hutkhawm vawi 12-na nimin a \an Ni-ah Mizoram Governor, Lt. Gen. (Rtd) Nirbhay Sharma chuan House chhungah thu sawiin, sokar kum liamta chhunga Mizorama hmasawnna leh sorkar hmalakna hrang hrang a sawi 

Mizoram Governor, Lt. Gen. Nirbhay Sharma chuan Speaker leh Assembly Member-te chibai bukin, Mizoram state-ah ralmuanna bakah sum leh paia intodelhna leh khawtlang hmasawnna awm zel theih nan Mizo mipuite duhsakna a hlan a. Sorkar hmalakna pawimawh tak NLUP avangin buh thar zat a pun mai bakah tlangram loneih aiin lo nghet nei uar a ni ta deuh deuh chu a lawmawm a tih thu sawiin, State chhungah ei leh bar hniarhnang tak a awm theih nan National Food Security Mission bakah sorkar laipui Scheme hrang hrang chak taka kalpui mek a ni a; thei leh thlai thar lakkhawm awlsam nan Horticulture Link Road engemawzat siam a ni mek bawk a. Sericulture hnuaiah Integrated Muga Silk Development Project bakah Lunglei leh Champhai District-ah Mulberry Project leh Soil & Water Conservation hnuaiah District hrang hrangah Rubber Plantation leh Nurseries te buatsaih mek a nih thu sawiin, Commerce & Industries Department hmalakn ain Agriculture Marketing Infrastructure (Lunglei), Apparel & Garment Making Centre (IGC Luangmual), Skill Development Center (Lunglei) leh Zuangtui-a Industrial Estate tihchangtlun hna kalpui a nih thu a sawi.

Mizoram Larsap chuan India leh Myan-mar sorkar MoU zulzuiin Rih-Tiddim Road chu sial mek niin Zokhawthar kaltlanga insumdawn tawnna atan hmasawnna a thlen ngei beisei a ni a, dan lova thil lakluh leh thawnchhuah (illegal trade) hrek nan helai hmunah venhimna (security) pawh tihchangtlung a ni ang, a ti.

Sports & Youth Services hmalakna in hna hrang hrang thawh a nih thu sawiin, Football lama Mizo infiammite hlawhtlinna piah lamah Rio Olympics-ah H.Lalruatfeli chu India Women’s Hockey Team-ah a tel bakah NCC Cadet Lalrin-tluangi chuan Mt.Everest a lawnchhuak tih a sawi bawk.

Social Welfare Department in NGO 44 hnenah \anpuina chi hrang hrang a pek thu leh Hmeichhia te ham\hatna tur Girls Hostel leh Training Centre te an hawn thu sawiin Larsap chuan, Tourism Department chuan Thenzawl, South Zote leh Reiek-ah ‘Integrated Development of New Eco-Tourism a ruala hawn a nih thu leh, Bung Bangla, Aizawl-ah State Institute of Hotel Management sak mek a nih thu a sawi bawk.

Larsap chuan Falkawn-a ‘Zokhua’ chu 13th Finance Commission \anpuina in thawm\hat a nih thu leh Beraw Tlang-a ‘Tagore Cultural Complex’ sak hna pawh \an thuai beisei a nih thu a sawi a. Champhai District-a Vangchhia khuaa Mizo pipute sulhnute chu Archaeological Survey of India hmalaknain enfiah a nih thu leh, carbon dating hmanga an hmuhchhuah chu heng pipute sulhnute hi 1500 AD-a mi an nih thu a sawi. 

Larsap chuan AH&Vety Department hnuaia hmalakna hrang hrangte pawh sawiin, Food, Civil Supplies & Consumer’s Affairs chuan Computerisation of Public Distribution System an kalpui mek bakah web portal an hawng tawh tih a sawi a. LPG lamah mipuite harsatna hriain sorkar chuan Mualkhang Bottling Plant tihchangtlun a, Gas cylinder khawih chingpen hinte dapchhuah nan Enforcement Squad din a nih thu a sawi bawk. 

Mizoram chu ramchhunga State fai ber a nih theih nan sorkar chuan chak takin hma a la mek tih pawh sawiin Larsap chuan, East Lungdar leh Khawbung-ah Mini Sports Complex sak a ni dawn tih a sawi a. IWMP hnuaiah 14,183 hectare-a zau ram chu tui pek a ni tawh a, NRLM hnuaiah Self Help Group 741 din tawh niin, SAGY hnuaia Khawlailung leh Chhiatlang te chu Model Village ah puan an nih tawh thu a sawi bawk.