Doctor rual ten Serchhip-ah TB enkawl dan tur an zir.

Kumin ah TB vei mi 13 hmuhchhuah an ni tawh

Sorkar chuan TB natna enkawl dan thar ruahmanna a siam a, hemi chungchang hi nimin khan Serchhip District chhunga Medical Officer (MO) te tan zirhona neih a ni. Hetihlai hian kumin January thla a\anga nimin thleng khan Serchhip District-ah hian TB vei mi 13 hmuhchhuah an ni tawh bawk.

Khawvel pumah natna inkaichhawn theih chi ho (Communicable Diseases) ten kiam lam a pan mek laiin TB natna erawh a pung tial tial thung a, hei vang hian tuna TB lampang enkawlna, RNTCP chu a kalphung ti danglam turin hma an la mek a ni a, he kalphung thar tur zirhona hi Vawiin khan Serchhip CMO Conference Hall-ah Serchhip District chhunga Doctor (Medical Officer) te tan neih a ni. He zirhona hi Dr. Laldawngliana Sailo, CMO chuan kaihruaiin "TB hi hneh kan tum tur a ni a, thil eng pawh a bul\hut kan hriatchian chuan hneh a awl bik a, chuvangin eng natna pawh a awmtirtu kan hriatchian chuan a tih dam a awlsam bik a ni” tiin, an hriatna te tipung turin training chu neih a \ul thu a sawi bawk.
He hunah hian District TB Officer, Dr. Lalhlunpuii chuan TB enkawlna tura ruahmanna hrang hrang te chu thupui \hen hrang hrang hmangin a zirtir a ni. He huna tarlan danin TB vei mek te enkawlna atana tuna hman mek, kar khata ni thum (3) damdawi ei \hin chu nitin a ei tawh tur a tih a ni a. Damdawi tam tak mum hrang hrang ei lovin damdawi pakhata chi thum/chi li pawlhsa, Fix Dose Combination (FDC) an ei tawh dawn a ni. Hei bakah hian TB hrik hmuhna chak zawk, CBNAAT khawl hman uar a ni tawh dawn a. HIV Positive, a bikin Naupang ah te, TB benvawn niaa rinhleh ah hman uar a ni anga. He khawl hi District tinah a awm tawh a,TB Culture kui\iaha a damdawi ngeih zawng en hi uar taka tih tawh tur a ni bawk a. Hei hi TB natna vei enkawl zui nan a \angkai dawn hle a ni a. Tin, Flourence Microscope, Khak enna atana \ha chi hman a ni dawn a, hei hian awlsam takin natna hrik a hmu thei a, he khawl hi Falkawn-a Refferal Hospital-a DTC-ah pawh dah a ni tawh bawk.
Hetihlai hian Serchhip District TB Centre in an chhinchhiah danin kum kalta (2016) chhung khan Serchhip District-ah TB vei mi 69 hmu-chhuakin heng mite hnenah hian TB damdawi a thlawna pek an ni a, TB avanga nunna chan District pumah mi 5 awmin heng zinga pathum hi Ser-chhip khawpui chhung ami an ni a, TB vei enkawl zinga mi 43 te chuan TB damdawi an ei tur ang an ei zo a, damdawi ei zui lo mi pakhat an awm bawk. Kumin (2017) chhung hian TB vei mi 13 hmuhchhuah an ni tawh bawk a, TB damdawi hi thla ruk (6) chhung ei tur niin tunah hian dam-dawi ei lai \hahnem tak an awm mek a ni.