Rualbanlote ham\hatna leh an dinhmun chawikan dan tur zirho

Rehabilitation Council of India leh SCERT, Aizawl \angkawp buatsaihin rualbanlote ham-\hatna leh an dinhmun chawikanna tura hmalak dan tur hrang hrang zirhona leh sawihona ni thum awh tur chu Serchhip-ah neih mek a ni.

Serchhip District chhunga Anganwadi Workers, Health Workers leh Serchhip khawpui chhunga Village Council Member te tana buatsaih he zirhona hi Serchhip Hmar Veng YMA Hall-ah neih niin niminpiah khan neih \an a ni a, he hunah hian SCERT Aizawl-a Special Education Officer, Vanlaldiki Sailo chuan rulbanlote humhalhna leh chawikanna tura dan hrang hrang awm te sawiin, rualbanlote enkawlna leh chawikanna tura khaw-tlang mipuite mawhphurhna te a tarlang a, hei bakah hian Mit hmuhna lama harsatna leh ri hriatna lama harsatna awm te tikianga tihtlemna tura pawimawh hrang hrang sawiho a ni bawk.

He Programme hi nimin khan chhunzawm lehin SCERT-a Dy. Director, Sangzuali Van-chhawng leh  SCERT Aizawl-a Special Educa-tion Officer, Vanlaldiki Sailo ten rilru lama harsatna nei te leh ri hriatna lama harsatna nei te enkawl dan leh rualbanlohna hrang hrang lo awm dan bakah a ven dan te an zirtir leh a, hei bakah hian RCI Act Rehabilitation Council of India (RCI) Act leh National Trust Act chungchang te pawh zirho a ni bawk. He training hi Vawiin ah a hmun ngai ah chhunzawm lehin zawhfel a ni ang.