Fur ruahtui tlak loh laiin Serchhip-a PWD ten khawpui chhung kawngpui siam\hat hna an thawk mek

 PWD Serchhip Division chuan Serchhip khawpui chhunga inkalpawhna kawngpui hrang hrangte siam\hat hnachu nikum October thla a\ang khan thawkin, nimin thleng khan heng kawngpui siam hna hi chhunzawm ala ni a. Tunah hian an hnathawh tur ruahman lawk 13 zinga hna 8 chu zofel tawhin hna 2 thawh mek a ni bawk.

PWD Serchhip Division-a SDO, Er. Lalmuanpuia hnen a\anga thu kan dawn danin PWD Serchhip Division hian sorkar a\anga Maintenance Fund an hmuh a\angin Working Season, nikum October thla a\ang khan Serchhip khawpui chhunga kawngpui hrang hrang siam\hat leh thawm\hat hna hi an thawk a, Maintenance Fund atan hian cheng nuai 107 neiin heng hmang hian hna hrang hrang 13 thawh tura ruahman niin tunah hian hna 8 chu zofel tawhin hna pahnih thawh mek a ni a, hnadang pathum pawh tuna an thawh lai mek te an thawh zawh hnu hian thawh \an leh nghal tura ruahman a ni bawk. Er. Lalmuanpuia chuan an kawngpui enkawl te hi Meter 3-a zau-a blacktop tur a nih laiin mipui mamawhna avang leh kawngpui zau kan neih theihna turin meter 5 leh a aia zau zawka blacktop te pawh a awm thu a sawi a, hei vang hian kawngpui tam tak chu ruahman lawk anga thui pawh sum ruahman in a daih \hinloh avangin a thui zawng hi an ruahman lawk ang an thawk \hinlo tih a sawi a, kawngpui an siam chin ang ang te chu belhchian dawl ngei tura an siam thu pawh sawiin, Serchhip in Kohhran Hmeichhe Inkhawmpui lian a thlen tur pualin sum hi pek belh leh an nih avangin sorkar kum kal meka an sum hmuh tur zat pawh chiang taka hriat theih ala nih loh thu a sawi a. An sum hmuh ang ang te chu \angkai taka an hman zel dawn thu a sawi bawk.

PWD Serchhip Division in Serchhip khawpui chhunga an kawngpui enkawl lai kumin a an siam\hat tak te hi AOC a\anga P&E Veng-a Mini Park inkar, KM 1.700 a thui niin hei hi ruahman lawk aia hmun tam takah kawngpui blacktop hi tihzauh a nih avangin DRDA Office thleng chauh thawh theih a ni a, cheng nuai 28 senral a ni a. Heng bakah hian New Serchhip-a Supply Kudam a\anga New Serchhip Vengthar panna meter 350-a thui te; Supply Kudam a\anga Chalzika In, New Serchhip, Meter 950 a thui te; NH. 54 a\anga New Serchhip Primary School panna, meter 125 a thui te; PWD IB Peng a\anga IOC Veng, Meter 930 a thui te; PWD IB panna kawng, Meter 140-a thui te; Serchhip Zion Veng a\anga Hmar Veng Biak In panna, meter 500-a thui leh AOC a\anga Chanmari Volleyball Court, Meter 600-a thui te chu zawhfel a ni tawh a, tunah hian New Serchhip-a EE PWD Quarters panna kawng, Meter 200-a thui leh Serchhip Bazar Hnuai-a Kapchawla In leh V. Rodingliana In inkar, Meter 250 te chu thawh mek niin IOC Veng-a DC Office panna kawng, Meter 140 siam\hat hna bakah IOC Veng Quarry Road leh P&E Veng Lane hnuai, a chhe zual lai thawm\hat turte chu an hmabak a nih thu a sawi bawk.

Heng khawchhung kawng bakah hian an huamchhung hmun hrang hrang kawngpui pawh PWD hian thawm\hat hna an thawk bawk a ni.