Kumin a Lo hal theih hun chhung pawhsei a ni dawn

March ni 15, 2017 aia tlai lova Lo hal ngei ngei tura sorkar thupek chu sawn hlat a ngai dawn niin Agriculture Minister, R. Lalzirliana’n a sawi.

Minister chuan Lo hal hun chungchang hi official-te pawh a sawipui tawh thu a sawi a. Tunlai a ruah sur avang hian tuna Lo la hal lote tan chuan March ni 15 hma a hal theih a ni dawn tawhlo tih sorkar chuan a hria a. Hetiang a nih tak avang hian tunkar chho hian sorkarin thuchhuah siamin Lo hal hun hnuhnung chungchang hi a puang dawn niin a sawi. R. Lalzirliana chuan Loneitute harsatna chu sorkar in a hriat thu sawiin, Lo hal hun hnuhnung bituk chu sawn hlat tura rel a ni, a ti bawk.