IFAD Team ten Serchhip District an rawn zirchiang mek

/
Nimin khan International Fund for Agricultural Development (IFAD) Missions Team chuan Serchhip leh Thenzawl tlawhin kuthna-thawktute, kuthnathawktu pawl hotute, khawtlang hotute leh NLUP Line Department hotute an kawm a. Mizorama Loneitu leh kuthnathawktu te chawikan dan tur ruahmanna thar siam dan tur an rawn zir chiang.
IFAD Missions Team te hian niminpiah a Aizawl an rawn thlen hnuah Team hrang hrang pali-ah an in\hendarh leh a, chung zinga Team pakhat, member pahnih  Meera Mishra, Country Co-ordinator leh Dr. Venkatesh Tagat, NRM Specialist te awmna chuan Serchhip District hi nimin a\ang khan zirchianna hi an rawn nei a. Chawhma lamah Thenzawl-a Puantahtute nena inkawmna hun an hman hnuin Puantahna hmunte an tlawha, chumi zawhah AH & Vety Farm te, Fisheries Department Farm te leh PIGFED hoten Vawkpui an vulhna hmun, Thenzawl ami vek te chu an tlawh kual leh nghal bawk.
Thenzawl-a hun an hman zawh hian IFAD Team te hian Serchhip tlawh leh nghalin Ser-chhip DC Conference Hall-ah kuthnathawktu te, Kuthnathawktu pawl hrang hrang hotute, AMFU aiawhte khawtlang hotu leh NGOs te leh Chanchinbumi te nen inkawmhona an nei leh a, heng an inkawm honaah hian IFAD Team te hian kuthnathawktuten hmasawn zel tura an mamawh hrang hrangte zawtin inpawh tlang takin inkawmhona hun an hmang a ni. Serchhip ah hian Zosangzuali Pachuau, Addl. DC in inkawm hona hi kaihruaiin Meera Mishra, Country Co-ordinator hian IFAD kalphung sawifiahna hun a hmang bawk.
Ruahman dan chuan IFAD Team te hian Vawiin ah Chhingchhip-a MIFCO Plant tlawh lehin loneitu leh khawtlang hruaitute an kawm leh anga, hetiang bawk hian Khumtung-ah hun an hmang zui leh nghal bawk anga. Sorkar hotu ten an \awiawm ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »