District Development Co-ordination and Monitoring Committee in sorkar hmalakna hrang hrang an thlirho

Serchhip District Development Co-ordination and Monitoring Committee (DDCMC), DISHA tia sawi bawk chu nimin khan Serchhip DC’s Conference Hall-ah an Chairman, CL. Ruala, MP Lok Sabha hova \hukhawmin nikum October a\anga December, 2016 chhunga District chhunga hmalakna hrang hrang an thlirho.

He \hutkhawm kaihruaitu Lok Sabha MP, CL. Ruala chuan tun \um Meeting-ah hian State Budget hriat chian a la nih loh deuh avangin hmalak dan siam fel a har deuh dawn tih sawiin, April thlaa Meeting neih leh hunah engkim chiang zawkin an siam theih zawk a rinawm tih a sawi a. Chutih laiin District Officer te chu hnathawh \ha, mipuite tan \angkai ngei tur duan chhuah tum turin a fuih a ni. He hun hi Co-Chairman, Ronald Sapa Tlau pawhin hmanpuiin District Officer hrang hrangte chu Serchhip District tihmasawn turin an ni bak an awm chuang lo tih hre tur leh an thawh chhunga hriatreng tlak thil \ha tih ngei tum turin a fuih a. Tlawmngai pawl ten DDCMC Meeting an ngai pawimawh hle\hin chu a lawm thu leh Serchhip District chhunga sorkar leh tlawmngai pawl thawhhona \hatzia lanchianna pakhat nia a hriat thu a sawi bawk.

Nimin a Meeting-ah hian sorkar laipui rua-hmanna a Serchhip District chhunga hmasawnna hnathawh hrang hrang tarlan a ni a, PMGSY hnuaiah Serchhip District chhunga khaw kar kawng inkalpawhna- Chhingchhip to Thentlang Road, Hmun\ha to Khawbel Road, Chhing-chhip to Hualtu Road, Chhingchhip to Hmun\ha Road leh E. Lungdar to Sailulak Road te sial mek a ni a. Tin, Serchhip to Hriangtlang inkar kawng pawh tunah DPR thehluh mek a nih thu tarlan a ni.

Thingtlang khua zawng zawng Eng pek vekna tura hmalakna RGGVY, tun hnua DDU-GJY tia hming thlak takah Serchhip Division hnuaiah khaw 18 zinga khaw 14 zawhfel vek tawh a ni a, a dang khaw 4 te pawh Distribution Trans-former dah fela zawh theihin a awm mek a. Tun thla chhung hian zawh hman a nih beisei a ni. Maicham Division (North Vanlaiphai) hnuaiah khaw 9 zawh tawh a ni a, khaw 2 ah Distri-bution Transformer tihfel hmabak ala awm a, zawh thuai tum a nih thu tarlan a ni bawk.

National Social Assistance Programme (NSAP) hnuaiah Social Welfare Department kaltlangin Serchhip District chhungah kum upa, Old Age Pension dawng mi 1571 an awm mek a, Hmeithai zingah Widow Pension la 164 leh rualbanlo zingah Disabled Pensiaon dawng mi 47 an awm mek bawk.

Heng bakah hian National Health Missions (NHM) hnuaiah hmalakna engemaw zat kalpui mek a ni a, October-December, 2016 inkarah District chhungah nausen boral 7 an awm a, naupiang zawng zawng 258 a\anga chhutin Infant Mortality Rate (IMR) chu 27.1% a ni. Nu nau chunga boral hi 2016 chhungin an awm lo thung. Hemi huna chhunga Raipuar in-register hi mi 256 an awm a. October-December, 2016 chhung hian naupang vaccine la mi 283 an awm bakah naupai vaccine la mi 235 an awm bawk a ni.

Ramri bula khaw awm te hmasawnna tura ruahmanna, Border Area Development Programme (BADP) chu Serchhip District chhungah pawh kalpui mek zel niin he sum hmang hian E. Lungdar RD Block hnuaia khaw hrang hrangah hna chi hrang hrang 23 thawh mek a ni a. Kumin chhunga BADP sum hmuh hi cheng nuai 165.72 a ni. Hengte bakah hian District chhunga hmasawnna hnathawh dang engemaw zat en ho a ni bawk.

He meeting ah hian District Bawrsap, Dr. Lalrozama, IAS leh VL. Remliana, Project Director, DRDA te bakah Serchhip-a District Officers ho te, tlawmngai pawl aiawhte, Village Council aiawhte telin hmalak zui zel dan turte pawh sawiho a ni bawk.