Kalphung pangngai leh siamthat tumna indona kan puang a ni ta ber- President, PRISM

PRISM chuan Mizoram siam\hatna atana hmalakna an tumna hrang hrang puangin, “Kalphung pangngai leh siam\hat tumna indona kan puang a ni ta ber,” an ti.

PRISM President, Vanlalruata chuan nimin khan Aizawl Press Club-ah thuthar thehdarhtute kawmin kum 2006-a PRISM an din a\anga hma an lak dan hrang hrang a sawi a, kan sorkar chu insiam\ha tura mipui an nawr nasat thu leh pawl hrang hrang hmalakna te pawhin a siam\hat theih tak si loh avangin Politics kan kalpui dan siam\ha tur leh, kan rama rorelna dik leh sorkar \ha- Ram leh Hnam humhalh ngam; |halai leh \hang thar zel te chhawr tham; Sorkar ruhrel leh inawpna siam\ha ngam; Dan zawma dik taka lekkawh ngam; Langtlang; Eiruk hmang hrem ngam; Mipui nawlpui ham\hatna pe thei; Ram hausakna leh hmasawnna ruhrel dinsa hmang \angkai thiam; Hmasawnna ruhrel din thei; leh Sumdawnna awmze neia kalpui thei kan neih theihnan hma an la dawn tih a sawi.

PRISM President chuan an hmalakna turah hian politician te kalphung pangngai anga kal an tum lo tih sawiin, “Kan sorkar neih \hin ang ni lo sorkar danglam din tum kan nih avangin kan kaldan pawh a danglam dawn a. Ram leh Hnam tana \ha lo kan ti dawn lo a. Sum leh pai kan chelek dawn lo a. Tih theih tak tak loh kan tiam dawn lo a. Dawt kan sawi dawn lo a. Kalphung pangngai leh siamthat tumna indona kan puang a ni ta ber,” a ti a. PRISM chu mipui ta, mi zawng zawng huap leh lenna a nih thu sawiin, “Ram siam\hat nana din anih avangin ram leh hnam tan chuan tupawh kan thawhpui thei a. Ram leh Hnam tana beihnaah chanvo neih miah loh a \ul pawha hreh lovin a \ul anih erawh chuan hnungdawl emaw hmahruai pawh kan ngam a ni,” tiin an hmalakna a tel turin mi zawng zawng an sawm tih a sawi bawk.

PRISM President chuan kum 2006-ah PRISM an din thu leh '|angrualin kan siam\ha thei' (Together we can make a change) tih chu an thupui a nih thu a sawi a, kan ramin hma kan sawn chak loh chhan bulpui ber chu corruption ni ah an ngai tih sawiin, an hmalakna avanga eiru chhuichhuah mi 300 leh mipui sum (public money) awmze nei lova kalral tur humhim pawh cheng vbc. 1,800 aia tam a nih thu a sawi a. Politics leh ram hruaitu thlan chu ram kal zel dan hriltu pawimawh nia an ngaih avangin Election Watch te, Mizoram Watch leh Development programme te an neih thu sawiin, Politics kalpui dan (khelh dan phung) siam\hat an duh avangin Shadow Cabinet kalphung nei turin nikum a\anga hma an lak thu a sawi a, tunah hian Member nuai chuang an nei tawh tih sawiin, District tinah inzarpharhin khaw 345-ah Branch an neih tawh thu leh Branch ding thar tur an ngah chak hle thu a sawi bawk.