YMA Rorel Inkhawm neih tur thlirlawkna nei
Sub-Hqrs. YMA Serchhip Coordination Committee chu Ningani khan Sub-Hqrs. YMA Meeting Room, Serchhip-ah Sub-Hqrs. YMA Serchhip President, R. Sanghmingthanga kaih-hruaia \hukhawmin April ni 20, 2017-a Sub-Hqrs. YMA Serchhip Rorel Inkhawm neih tur chungchang an sawiho.
He Rorel Inkhawm neihna tura lo ruahman tawh, Serchhip Auditorium chu a remchan dawn takloh avangin Serchhip Indoor Stadium, Pastor Chhawna Hall tia sawi bawk ah neih nise an ti a, thupui atan ‘Ram leh Hnam humhalh’ tih chu hman a ni ang.
He Rorel Inkhawm ah hian chawhma dar 10:30 a\anga programme \anin Sub-Hqrs. YMA President, R. Sanghmingthanga kaih-hruaiin rorelna neih a ni anga, Member boral sunna hun hmangin report hrang hrang ngaihthlak a ni ang. Chawhnu lamah YMA Kumpuan hawnna Inkhawm neih leh a ni anga, Central YMA Vice President leh Kumpuan Committee Chairman ni bawk, Vanlalruata chuan Kumpuan hi a hawng ang. Zan lamah Variety Programme hman zui leh tura ruahman a ni a, hetah hian zaithiam zai hrang hrang ngaihthlak tur a awm ang.
He Rorel Inkhawm neih tura ngaihtuah tura Agenda rawtna lut hrang hrangte pawh SCC \hukhawm hian thlifimin YMA khawih Agenda rawtna lut 14 zinga 8 chu chhawp-chhuah tura ruahman a ni a. Sorkar khawih Agenda rawtna lut 8 zingah Rorel Inkhawm a chhawpchhuah turin 5 an thlang bawk.
Comments
Post a Comment