Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

MZP hruaitu ten Sipai hotu kawm

/
Mizo Zirlai Pawl (MZP) Hqrs. Serchhip hruaitute chuan nimin khan Serchhip-a awm 10th Assam Rifles-a Commandant, Col. Ku Karumbiah, SM chu hmuin zirlaite mamawh leh an ngaih pawimawh te an thlen.
MZP Serchhip Hqrs. hruaitu te hian Assam Rifles Commandant hnenah hian Assam Rifles ten an awmna apianga mipui tana thil \ha tam tak an ti \hin chu lawmawm an tih thu sawiin, 10 Assam Riffles Commandant in \ha taka a lo dawnsawn avangin lawmthu an sawi a. Serchhip-a Higher Secondary School zirlaite leh College Zirlaite tan Mizoram chhung leh pawn ah Study Tour neihpui tura ngenna an thlen chu a \ul ang te bawhzui a, tihhlawhtlin ngei a tum thu a sawi bawk. Hei bakah hian MZP hruai-tute hian an Sub. Hqrs. pakhat, E.Lungdar khua a Zirlaite tana Medical Free Clinic neih pui tura ngenna an siam pawh, sanction lo kal dan a zirin April thla chhung hian neih hman a beisei thu a sawi a ni.

Comments

Post a Comment

Popular News (Last 30 Days)