Naupang thihna tihtlem dan tur chungchang zirhona Serchhip-ah neih a ni

Nimin khan Serchhip-a CMO Conference Hall-ah Naupang Thihna chungchang zirhona leh naupang kumkhat hnuailam thihna tihtlem dan tura inzirtirna hun hman a ni.

District Level Training on Child Death Review& Sensitization Workshop, CMO Conference Hall, Serchhip-a neih hi Dr. Laldawngliana Sailo, Chief Medical Officer, Serhhip District Hospital chuan kaihhruaiin, Nu nau chunga thihna leh naupang thi tamna ram chu ram changkang anih loh thu leh India ramah pawh hemi hi tihtlem zel anih theihna tura sorkar hmalakna hrang hrang te sawiin, naupang leh nausen thihna tihtlem zel a nih theihna tur hian Health Department te chauh nilovin, khawtlang a NGO leh Kohhran te kaltlanga inzirtirna \ha kan mamawh tawh a ni tiin kalkhawmte lawmna thu a sawi bawk

Kum 2015-2016 chhunga Child Death Review (CDR) report a landanin, India rama naupang thihna tam ber chu thla kimlo a an pian vang niin, Mizoram-a naupiang zawng zawng 20,129 (Mipa 10,200 leh Hmeichhia 9745)-ah 19,945 te damchhuakin nausen thi 184 te zinga a tam ber chu thi sa a piang an ni a, nausen pianghlim ten thawkna lama harsatna an neih avang te leh Pneumonia natna avanga thi an tam ber nia chhut a ni a, nausen kum 1 hnuailam thihna (Infant Death) chu a tam ber bawk.

He Workshop-a Resource Person, Dr. Lalhlunpuii, DIO Serchhip chuan naupang thihna chungchanga Mizoram State leh Serchhip District dinhmun te a lem nen entirin zirtirna leh hrilhhriatna a nei a, ‘Naupang kumtlinglo leh kum tling tawhte chu engvanga thi nge an nih \hin?’ tih chungchang zirchian anih tur thu te, nausen piang hlimin natna chi hrang hrang laka an him theihna tur atan a rang thei ang bera Nu hnute tui an hnek a pawimawh thute sawiin, sawihona hun hman a ni bawk.

Heng naupang thihna thleng \hinah hian hriselna lama bialtu ASHA ten Darkar 24 chhungin an hnaih ber Medical Officer te hnenah emaw, Helath Worker te hnenah an report \hin anga, MO leh thawktu dangten karhnih (2) chhungin nausen chu engvanga thi nge tih zirchianna (Investigation) an neih chu District Level Child Death Committee hnenah thlenin, anni hian State Level Task Force Committee an thlen leh ang a, State Level Force Committee te hian Central ah an thlen \hin ang.

Nimin a District Level Training on Child Death Review & Sensitization Workshop-ah hian Serchhip District chhunga Medical Officer te leh Helath Worker te bakah Serchhip khawpui a Kohhran hrang hrang aiawh te leh NGO aiawhte an tel a ni.