Pradhan Mantri Awas Yojana- Housing For All Mizoram-a kalpui turin hawn a ni

UD&PA Minister, Zodintluanga chuan nimin khan Pradhan Mantri Awas Yojana (PMAY)- Housing For All chu Aizawl-a Lal Thanhawla Auditorium-ah a hawng a, PMAY hi Mizoram puma District-ah kalpui tur a ni ang.

He hunah hian UD&PA Minister chuan Prime Minister’s Awas Yojana (PMAY-Urban) chu khawpuia In leh lo neilo te \anpuia, In neih tirna tur Scheme, kum 2022 thleng awh tur, Sorkar laipui Ministry of Housing & Urban Poverty Alleviation hnuaia Mission Programme a nih thu sawiin, Mizoram chuan June 2015-a Prime Minister-in he Scheme a hawn a\angin hma a lak \an ve nghal anih thu leh, India ram State zinga Detailed Project Report (DPR) submit hmasa leh sanction hmu hmasa ber pawl a nih thu a sawi a. Minister chuan he Scheme hi miharsa, kum khata sum cheng nuai thum lalut tlinglo te tana ruahman anih thu leh In sak \anpuina dawng tur chuan Insakna hmun tur ram an neih ngaiin; In hmun hi \anpuina dawngtu hmingin a awm ngei a ngaih thu te a sawi a. PMAY-HFA (Urban) Mission-ah hian Mizorama khawpui 23 ah hmalak tur niin, heng khuaah hian In sak \anpuina chhungkaw 20,000 chuang hnenah sem tum a ni a, tunah hian District Headquarter 8 tan In 10,286 sakna tur DPR approval neih tawh niin, Lawngtlai leh Aizawl District- ah chuan hna \an nghal turin peih a ni tawh tih a sawi a. District Headquarter nilo khawpui (Census towns) 15 tan hian DPR buatsaih mek niin In sak \anpuina dawng tur endik mek an nih thu a sawi bawk.

Pradhan Mantri Awas Yojana- Housing For All(Urban ) hnuaiah hian Beneficiary-te chu In sak \anpuina cheng 1,50,000 pek tur niin , hei bakah Rs. 50,000(singnga) hu a tha in emaw, a bungrua in emaw Beneficiary-te chuan an tum ve a ngai dawn a, hemi belhkhawm hian In hi cheng nuai hnih man hu an sa thei dawn a ni. He Scheme hnuaiah hian Housing Loan lak theihna, Credit Linked Subsidy Scheme (CLSS) a awm bawk a, he Loan hi a pung tlem (6.5% interest subsidy) chi niin UD&PA Department in diltu te a lo endika, Bank lam in lo bawhzuiin, Mizoram chhunga Bank hrang hrang te chuan he Loan hi an pe chhuak mek a ni.

PMAY hnuaiah hian Mizoram khawpui 23 a\angin In sak \anpui dilna 32,144 chu sorkar chuan dawng tawhin District 8-ah diltu 20,639 awmin hemi zinga dawng thei mi 16,143 a\angin beneficiary 10,286 thlan an ni tawh a. Tun dinhmunah Aizawl District ah In 864 leh Lawngtlai District ah In 500 sakna tur chu sem theih tura peihfel a ni tawh a ni.