World Consumer Day hmang

Serchhip District Consumer Association buatsaihin Inrinni zing khan Serchhip Bazar-ah 'World Consumer Day' hman a ni a. Kumin a he Ni Thupui atan hian 'Consumer Rights in the Digital Age' tih hman a ni.

World Consumer Day puala inkhawm, Serchhip Bazar-a neih hi Serchip District Consumer Association Presi-dent, H.Zonuntluanga chuan kaihruaiin World Consumer Day hman \an a nih dan leh Serchhip Consumer Association te hma lo lak tawhna te a tarlang a. He hun hi Dr. Lalrozama, IAS, Deputy Commissioner Serchhip District chuan khuallian niin a hmanpui a, khuallian chuan Consumer te ham\hatna leh pawimawhna a tarlang a, tunlai khawvel thar kan hman chhoh mekah engkim hi Digital thil vek a nih tawh avangin consumer te chu hemi lam kawngah hian kan harh thar a \ul hle a ni tih a sawi. Consumer ten harsatna leh hriatduh kan nei anih chuan Consumer hruaitute hnenah zawhfiah theih anih thu a tarlang bawk.

Thusawitu dang District Civil Supplies Offi-cer (DCSO), Rosangmawia pawhin tunlai Digital Age a mipui ten kan hriat tur hrang hrang te tarlangin, Aadhaar Card chu sorkar laka subsidy dawnna tura pawimawh a ni tih sawiin, Bank Account leh Aadhaar Card te chu inthlunzawm vek a \ul a, hemi tur atan hian hmalak mek zel ani tih a tarlang bawk.