UPC (NEI) Aizawl East District Conference zawhfel a ni

UPC North East India Aizawl East Distict Conference chu Ningani zan a\ang khan Chhiah-tlang-ah neih a ni a, nizan khan a \iak a ni.

UPC (NEI) Aizawl East District ten Conference vawi 23-na hi Chhiahtlang-a Ramlai Community Hall-ah neih niin UPC (NEI) Pastor hrang hrangten thlarau lam thupui in sawi chhawkin, Inrinni nileng khan Conference rorelna neih a ni a, Conference Rorel Agenda 21 neiin, heng zingah hian Bialtu Pastor chu a lawina Kohhran Church Board Chairman ni tawh lovin, Local Church Board Chairman a hran a ruat \hin ni tawh se tih te, UPC (NEI) Aizawl District Office hmunah Guest House sak nise tih bakah UPC (NEI) ten Mualpui hmunah Khualbuk siam ni rawh se tih te a tel a ni. United Penticostal Church (North East India) Aizawl East District Conference-ah hian Palai 700 chuang an kalkhawm a ni.

Aizawl East District chhungah hian Koh-hran (Local) 179 awmin Pastor Bial 30 a awm a, an huamchhung ah hian chhungkaw 5370-ah Member 25,103 an awm bawk a ni.