Vishal Mega Mart hawn duh loh lantirna atan Aizawl-ah sumdawnna dawr tam tak khar a ni

Mizoram Merchant Association (MIMA) leh an thawhpui pawl hrang hrangte chuan, Aizawl-a Vishal Mega Mart hawn duh loh lantire nan nimin khan dawr kharin lungawilohna an lantir a. Hetihlai hian Vishal Mega Mart neitute chuan MIMA chuan eng ang pawhin dodal mah se an dawr hawn tur chu an \hulh loh tur thu an sawi.

Nimin a MIMA leh an thawhpui sumdawg pawl hrang hrang ten dawr khara lungawilohna an lantir hi an member te chuan an thlawp \ha hle a, zingkarah damdawi dawr \henkhatte mamawh na avanga an hawng tih loh chu dawr in hawng hmuh tur an awm mang lova, MIMA hruaitute chuan hawng dawr in hawng chhunte pawh hi in khar tura ngenin an khar leh vek a ni. MIMA leh an thawhpui sumdawng pawl hrang hrang member te chu chawhma dar 10:00 khan Millenium Centre kawt pungkhawmin, heta \ang hian Bawngkawn lam an pan a. Magistrate kaihhruaina in Police \hahnem tak ten Chanmari Bapitist Biak In kawt-ah hrui pawta an lo dan avangin, sumdawngpawl te hian suttlang luih tum lovin, MIMA President, PC. Laldinthara’n thusawina an neih hnuah an \in darh a. MIMA President chuan Magistrate leh Police ten an lo danna hmun chu duhkhawp lo mahse sut luih an tum loh htu a sawi a. Vishal Mega Mart Aizawl Bawngkawn a hawn tum a nih chungchang chu an hriat tirh a\angin hma an lak thu a sawi a. Thla kalta February ni 12 a AMC Pisa a an kal chuan Vishal tih hmingpui Trade Licence pek an awm leh awm loh an zawt tih a sawi a. AMC lam chuan an hriat loh thuin an lo chhang niin a sawi.

MIMA President chuan WhatsApp leh Facebook a an hmuh dan chuan Trade licence hi Lalrinmawia, LRM hmingin an hmu ni a an hriat thu sawiin, Aizawl North Zone Textation Department office-a VAT register ah chuan Rajiv Mishra tiin an in ziak niin a sawi a. An la chhui chian zel tur thu leh a \ul chuan Court thlenga kal an tum thu a sawi bawk. MIMA President chuan Vishal hrim hrim chu an bei ngawr ngawr anih loh thu sawiin, an hlauh ber chu Zoram hi Mizo hnam te chenna tlak lohah kan siam ang tih a ni, a ti a. Sumdawnna a kan ral tawh chuan damkhawchhuahna tur kan nei tawh dawn lo a. Chumi tur atana kawngka hawnna tur chu Vishal hi a ni a. Chumi te lo luh hunah chuan Mizoram hian enge kan chan tur kan ngihtuah a ngai a ni, ti bawk.

Hetihlai hian Vishal Megamart dawr neitute chuan dawr chu an ta ngei a nih thu sawiin. Taxation-ah registration an duhthusamin an tih thu an sawi a. Inbumna a awm theih avangin company hming ngeia tih an duh a. An duh dan chuan an hminga tiha ni a. Building chu Company-in an saksak loh thu leh an mahni sak a nih thu sawiin “Vishal dawr hi kan ta ngei a ni a. Share kan nei a, share nei lo ila kan ti lo ang,” an ti a. Tun kar tawpah emaw, kar leh tir lamah emaw chuan dawr theiha an hawn tur thu an sawi bawk.