Serchhip District Hospital thar sak hna bul tan thuai dan tur Bawrhsap hovin sawiho

Niminpiah khan Serchhip District Bawrhsap Pisa-ah District Bawrhsap, Dr. Lalrozama, IAS leh Dr. K. Lalbiakzuala, Director, Health and Medical Education leh Official pawimawh ten Serchhip District Hospital thar (Extended District Hospital) sak hna bul \an thuai a nih theih dan tur an rel.

He \hutkhawm ah hian District Bawrhsap, Dr. Lalrozama chuan damdawi In \ha, mitinin kan mamawh ngawih ngawih min pek tumin sorkarin hma a la mek tih a sawiin, a dawngtu tur leh chhawrtu tur mipuiten rilru inhawng leh phal taka kan lo dawnsawn a ngai a ni, a ti a. Damdawi In atan hian ram pawh an mamawh khawp kan lo ruahman a, rang taka kan lo chinfel sak a \ul thu sawiin, a sakna hmun tur atana Department lamin an duh te hriat a nih chuan khawtlang hruaitute leh tlawmngai pawl te pawh a hma lama a sawipui tur thu a sawi a. Serchhip hmasawnna duhtute vek an nih avangin khawi hmun pawh Department chuan thlang se harsatna a awm a rin loh thu a sawi bawk.

He hunah hian Dr. K. Lalbiakzuala pawhin sorkar laipui lam chu District Hospital \ha leh changtlung min pe turin an inhawng em em tih sawiin, ruahmanna siam thuai turin an rawn hrilh fo tih a sawi a. Chutiang District Hospital \ha chu nakin lawka Medical College atana upgrade mai theih tura duan nise tih thlengin an duh nghe nghe tih sawiin, “Chutiang District Hospital sak nan chuan Serchhip hi a rem hle a, Department lam pawh kan inhawngin kan phur hle a ni. Amaherawh chu Hospital \ha leh changtlung tak sa tur chuan ram mamawh a zau a, khum 200 emaw a aia tam emaw dah theihna ngei sak a \ul a ni,” tiin tui lakna \hate, a panna kawngpui \ha te, Quarters engemaw zat sakna tur te, Damdawi dawr leh khualbuk te leh nakin lawka Air Ambulance hman theihna tur thlenga a awm theihna lo inbuatsaih lawk a \ul thu a sawi a. Planning Department in tunah hian ruahmanna thehlut turin an nghak mek tih sawiin, “Hun remchan laia kan mamawh khawp ram ruahman a, Survey leh hmalakna \ul hmasa dang kalpui thuai a \ul tawh a ni,” a ti bawk.

Serchhip-a District Hospital, JN Hospital hi sawn turin turin hun engemaw chen a\ang khan hmalakna kalpui a lo ni tawh a, damdawi In sakna tur hian Chief Minister chuan lungphum te pawh phum tawh mah se ram lak chungchangah harsatna a awm avangin hun engemaw chen tih khawtlai a ni leh tawh a. Tunhnai khan Lawibual, Chanmari Veng-a ram neitu \henkhat chuan damdawi In sakna atan hian an ram pek an phal thu leh thilphut engmah an neiloh thu thuneitute hnenah pawh an lo thlen tawh a, hemi ang hian Serchhip damdawi In hi sawn tum mek a ni.