Serchhip-ah Digidhan Outreach Campaign/Awareness neih a ni

Sorkar laipuiin sum fai tello a thil lei leh hralh leh pawisa khawih chet dan (Cashless Economy) kalpui tura hma a lakna chungchang mipuite hnen a hrilh hriatna hun Digidhan Outreach Cam-paign/Awareness chu nimin khan Serchhip Bazar-ah neih a ni.

Sorkar laipui in Digidhan Outreach Campaign nei tura Serchhip District tuamtu turte hian Serchhip Bazar-ah he campaign hi neiin sorkar laipui in tunlai khawvel thiamna hmang \angkaia mipui ten sum leh pai keng lova Bank Account-a an sum dah te an hman \angkai theihna tura hmalakna hrang hrangte mipui hnenah an hrilhfiah a, heng thil hman \angkai theih tur hrang hrang ATM Card, E-Wallet leh thildang dangte hman dan leh mipuite tana hetiang hman a \hat dan te mipuite an zirtir bakah sorkar laipui in hetiang kawnga hma a lakna te mipuite hnena awlsam taka thehdarh a nih theihna tura SMS kaltlanga dawng duhte tan Mobile Phone Number ziahluhna hun pawh he hunah hian buatsaih a ni bawk.

Mizoram a he campaign nei tur hian Ministry of Electronics & Information Technology chuan Group M a rawn tir a, tunkar tir lam khan heng Team te hi Aizawl a\anga vailiam niin Serchhip-a he campaign neih a nih hnu Chhiahtlang leh Thenzawl-ah chhunzawm a ni ang.