“Kan ram siamthat nan Chanchintha a pawimawh ber a ni,” - MPF President

Aizawl khawpui huamchhunga Mizoram People Forum (MPF) hruaitute Inhmuhkhawmna hun chu niminpiah khan Aizawl-a Synod Conference Centre-ah neih a ni a, he hunah hian MPF President, Rev. Lalzuithanga chuan, “Kan ram siam\hat nan Chanchin\ha a pawimawh ber a ni,” a ti.

Nimin a MPF hruaitute inhmuhkhawmna hunah hian MPF Local Forum OB leh Constituency Forum OB leh MPF Gen. Hqrs. hruaitute telin, kum 2018 Mizoram Gen. Election lo awm turah tun a\anga in buatsaih lawk a ngaih avangin MPF President, Rev. Lalzuithanga chuan Kick Off neiin Fuihna thuchah a sawi a. Rev. Lalzuithanga chuan, “Inthlanna atan Political Party ten hma an la \an a, keini pawhin hma kan lak \an ve a ngai a, MPF chuan Inthlanna felfai leh thianghlim, Party tin ten an kalpui theih nan theihtawp kan chhuah leh dawn a ni,” a ti a. “Kum 2008 ai khan kum 2013 inthlanpuiah khan sum leng vel a tam zawk a, House-to-House Campaign pawh a nasa zawk a ni,” tiin, kum 2018 Inthlanpui lo awm leh turah hian MPF, Local Forum, Constituency Forum leh District Forum ten theihtawp an chhuah tlan leh a \ul thu a sawi a, an thuchah pawimawh ber chu ‘Political Party nge, Chanchin\ha’ tih a nih thu a sawi bawk.

MPF President chuan “Thildangah hmasawnna ruhrel leh Development pawh kal mup mup mah se, a laipui ber kan kal dikloh chuan kan ram hi a kal fuh tak tak thei ngai lovang. Chanchin\ha nena inrem Rorelna a awm tur a ni. Chanchin\ha tel lova ram rorelna kan kalpui a nih chuan a tuar tur chu kan tu leh fa te an ni dawn a, Vote in lei te, Vote in hralh te hi Kristian ramah a zahthlak a, Mipuite pawhin candidate lakah kan phut tur a ni lova, hetiang in lei tling MLA kan nei a nih ngat chuan an kal fuh ngai lovang,” a ti a. “‘Chanchin\ha Meichher avangin, Mizoram thim tak hi |awng leh hawrawp leh changkanna tinrengah min hruailut a, hman a Ramhuai bia leh Lasi zawl mai mai \hin kha tunah chuan Chanchin\ha avangin khawvel kan dakchhuak ve thei ta hi a lawmawm a ni, Pathian hnenah lawmthu sawi ila, kan ram dinchhuahna bul hi Chanchin-\ha Eng vang a ni tih hria in, kan ram siam\hatna bul chu Politics kalphung dik hi a ni,” a ti bawk.

Nimin a MPF hruaitute inhmuhkhawmna hun hi MPF Vice Chairman, Rev. Robert Vanlalliana chuan kaihruaiin, Lalengkim Treasurer in hunserh a hmang a, MPF General Secretary, Rev. Dr. R. Lalbiakmawia chuan inlawmna thu sawiin, Chawhnu lamah, K.Sapdanga Adviser thusawi ngaihthlak a ni bawk.