Mizoram Sorkar leh HPC (D) inbiakna kal mek chu tun thla ni 28-ah chhunzawm a ni dawn - Home Minister

Home Minister, R. Lalzirliana chuan Mizoram Sorkar leh HPC (D)-in inremna zawnga inbiakna an kalpui mek chu tun thla ni 28 hian chhunzawm a ni dawn tih a sawi a. Tripura Camp-a awm, Bru te hruakir tura hmalakna kal lai chu Bru ten Supreme Court-ah thubuai an thehluh avangin chawlsan lailawk rih a ni, a ti bawk.

Inrinni kaltaa Aizawl-a I&PR Conference Hall-a thuthar lakhawmtute a kawmnaah R. Lalzirliana chuan, Mizoram Sorkar leh HPC (D) hi kum 2010 a\ang khan inremna zawngin \um 8 zet an lo inbe tawh nia sawiin, heng inbiaknaa thutlukna an siamte chu inzahsakin an mawhphurhna ve ve tihlawhtling tura chak taka bawhzui a ni tih a sawi a. Mizoram Sorkar pawhin inbiakna zulzuia tih tur a neihte tihlawhtling turin Department hrang hrangin chak takin an bawhzui mek niin a sawi.

Home Minister chuan, Tripura-a awm mek Tuikuk-te hruaikir turin Mizoram sorkar chuan \um engemaw zat hma ala tawh chungin, chhan hrang hrang vangin a hlawhtling thei rih lova, anmahni hruaikir tur hian Mizoram Sorkar chu engtik lai pawhin a inpeih mah se, nikum khan Supreme Court-ah thilphut neia thubuai an thehluh avangin an mahni hruakir tura Sorkar laipui leh Mizoram Sorkar hmalakna chu chawlh lailawk san rih tura tih a nih thu a sawi a. An thil phut zingah tihhlawhtlin theih loh tur a awm nia Sorkar-in a lo sawi tawh chungchang zawhna chhangin, tuna Mizoram Sorkar-in rem a tih loh zinga mi chu tihhlawhtling turin Supreme Court-in hriattir mah se, tihhlawhtlin tum a nih chuan loh tur thu a sawi a, Mizoram chu State puitling, mahnia ro in rel a nih avangin a ngaihdan a sawhsawn loh tur thu a sawi.

Home Minister chuan Tuikuk zingah Sorkar in ruahmanna a siam hnuaia lolet te bak pawm theih an nih loh tur thu leh an duh huna lo let a, a hnua BDO hnena inhriattir ang chi chu pawm theih a nih loh tur thu pawh a sawi a, hruaikir leh an nih hunah chuan Mamit District-a khaw 51, Lunglei-a khaw 4 leh Kolasib District-a khaw 10-ah dan an nih tur thu a sawi bawk.

Zu khuahkhirhna chungchang pawh sawiin Zu khuahkhirhna dan, MLTP Act chu Mizoram-ah kum 17 chhung zet hman a ni a, a zirchiangtu Prohibition Council-in a hlawhchham nia a hriat vangin MLPC Act hi hman a ni ta niin Excise Minister nibawk, R. Lalzirliana chuan a sawi a. MLPC Act chu dodaltu an awm avangin a nihna ang taka hman theih ala ni rih lova, a nihna ang taka kalpui chu nise a in duh leh duh lohten zalen taka hun an hman tlan theih tawh a rin zawk thu a sawi.

Tunhnaia Assembly Budget Session neih zawh taka MLA-ten zu zuar leh in-te khuah-khirhna na zawk siam nise an tih angin, a khuah-khirh kawngah nasa zawka \anlak tum a nih thu R. Lalzirliana chuan a sawi a, Ware House neitu ten Excise Commissionerate a\anga phalna an neih bak an pechhuak \hin nia sawite, zu dawr neituten Permit neilo hnena zu an hralh \hin nia sawi te, Permit chuang nei an awm nia sawi te, cheng 10 chawia zu permit hawh tir an awm \hin nia sawi leh naupang leh Sikul Uniform ha-te hnena zu hralh an awm \hin nia sawi chu dan kalh a nih avangin hetiang ti lo tur hian Ware House leh Zu dawr neitute chu hriattir an ni a, tilui an awm chuan thla 3 chhung an License tihtawp lailawk ni anga, vawikhat aia tam dan bawhchhia te chu an License tihtawp sak an nih tur thu a sawi bawk.

Zawhna chhangin Excise Minister chuan, tlawmngai pawlin zu an mante chu an mahni thu a an lo tihriral \hin avangin dan anga hmalak a harsa niin a sawi a, MLPC Act chu hlih tumna emaw, tum lohna emaw pawh a la awm chuang lo nia sawiin, a zirchiangtu tur Study Group din a ni a, an ni thurawn ang zel hian sorkar chuan hma ala dawn niin a sawi bawk.