Kangmei lakah i fimkhur ang u

Kangmei lakah i fimkhur ang u

- Laldinpuia

Kangmei tuar hlauhawm zia leh kangmeiin a thil a tih pawi theih zia hre tak tak tur chuan kangmei vanga harsatna leh chhungkaw chhiatna la tawk lo tan chuan hriatfiah a har \hin. Mahse Kangmei hlauhawm zia hi a taka la tawng lo leh hre lo tan pawh hriat mak mawh a ni. Sap thufing pakhat chuan "Tihdam aiin inven a \ha zawk" a lo ti a, chuvang chuan kangmei chungchang leh a hlauhawm dan te, fimkhur a \ul zia te hi mitinin kan hriat tlan \heuh hi a \ul tak meuh a ni.Kangmei hi a tam zawkin la tawk ve kher lo mah ila, tunlai thangthar mifing tak tak te tan chuan fimkhur angai a ni tih hi mi tam zawk chuan kan hre ta viau a, a lawmawm khawp mai. Sorkar lamin theihtawpin mipuite ah kangmei laka fimkhur a \ul zia te a puangzar reng bawk a, heng ang hi mipui lam te hian kan ngaihsak a kan zawm \hat hi a \ul hle a ni. 

Tunlai hian hei khua a lum \anin a ro \an leh hle ta mai a, sik leh sa boruak a inthlak \an a, khawvawh pawh a zual hle. Hetih lai hian ruahtui a tlak loh a vangin chhun lamah phei chuan khua a ro hle mai a, chuvang chuan mitin te Kangmei chhuak mai thei lakah hian kan fimkhur a \ul lehzual hle awm e.

Hetihlai hian tunlai in Zoram hmun hrang hrangah In kang hriat tur a awm leh zeuh zeuh \hin a, heng hi a chhan tlanglawn ber ni a langah chuan Electric kal sual vang leh kan In leh a vela kangmei chhuak mai thei laka kan fimkhur tawk loh vangte a ni fo \hin. Heng ah hian bungraw man tam tham tak tak te kar lovah a kang chhe vek \hin a, a pawi hle. Heng ang kangmei hi a lo thlen hun hriat lawk leh sawi theih mai a ni lova, vanduai thil thu ah engemaw vang hlek pawhin a rawn thleng thut thei a ni. Chuvang tak chuan mitin te heng kangmei chhuak mai thei lakah hian kan fimkhur lehzual a \ul hle.

Kan In bul vel te pawh hi kangmei chhuak mai thei lakah veng fimkhur reng ila, hnahthlel ro tla darh nuai te leh thing\ang ro awm \euh te hi kangmei tichhuak theitu an nih avangin heng hi kan In bul vela a awm loh nan kan In leh a bul vel fai takin vawng ila. Tin, chu bakah mei kan chhem in fimkhur hle bawk ila, mei zu mi ten kan meizial bung te khawlai velah a nung chungin paih mai mai lo bawk ila. Kan fimkhur loh avanga kan Inchhung bungrua te a kang palh anih vaih chuan ngai awh leh ngaihna a awm tawh miah lo. Chuvang chuan In a awm te pawhin mei lam kan khawihna reng rengah fimkhur ila, kan Current hrui te sawt/kang mai thei tur awm chi a awm loh awm loh te check \hin ila, Gas lampang chi reng reng te hi kangmei tichhuak thei thil hlauhawm tak anih avangin kan hman loh laiin uluk takin off \hin bawk ila. Tin, heng bakah hian kan Inchhung bungrua a kangmei tichhuak mai thei nawhalh, lighter, gas lighter, thuk mei etc. ang chi te hi naupang chinchang hrelo in a an khawih/ban phak mai mai turah dah lo ila, a khat tawkin kan Inchhung leh a vel te kangmei tichhuak mai thei awm thil diklo a awm leh awm loh te i check ngun \hin ang u.

Ram lama kal mite tan pawh fimkhur a \ul leh zual. Tunhma chuan sapel a ram vak hi kan tam \hin a, heng ang mite hian kawngkama hnahthleh ro leh thing\ang ro awmkhawm mai mai te hi ninhleiin a hal mai te kan ching \hin. Tin, kan ram riahnaah te riahbuk mei kan chhem \hin bawk a, heng te hi timit \ha mang hleilo, la mut khu vung vung ten kalsan mai kan ching \hin bawk. Mahse hetiang ang hi tunlai chuan kan awm ngai ta mang lo va, kan lo changkangin kan ramngaw leh nungcha te humhalh nachang kan lo hre chho ve zel a, sapela ramvak a lang a pauvin kan awm mang ta lo niin a hriat a, a lawmawm hle. Ramhnuaia kan kal hian zuk leh hmuam ti mite tan phei chuan ka meizial bung te hi a nung chunga ram palailenga paih mai mai loh hi a \ha.

Ram lama kal \hin kan nih chuan kan ram vahnaah te fimkhur takin che ila, mei zu mi kan ni anih pawhin kan mei \ankaina leh kan zuk bung te, ram palaileng-ah paih mai mai lo ila, kan tih thih chian phawt hnuah chauh paih ila, fimkhur takin kangmei lakah hian kan fihlim theih nan kan theih ang tawkin mitin te i inveng \heuh ang u.

Kangmei venna kawngah hian kan sorkar lam pawhin theihtawpin hma a la \hin a, chhungtinte kangmei laka fimkhur tur te in ngenna te siamin dan leh hrai te fel takin a duang bawk a, heng kan sorkar leh khawtlang hruaituten a kangmei laka kan fimkhur theihna tur atana an hmalakna te hi a hnial leh a awihlo tu-ah \ang lovin a zawmtu a \an \heuh hi kan tih tur leh khua leh tui \ha nihna a ni.

A tawp berah chuan mitin tena kangmei a chhuah loh nana theihtawp a kan beihna piah lamah engemaw avanga kangmei a lo chhuak ta hlauh anih pawhin khawtlang mipui te \angrual thiam ila. In/ram/mual kang a awm anih chuan a \helh/tihrem lamah theihtawp in \an la ila, kan sorkar leh khawtlang hruaitute duh dan ang zelin he Kangmei lakah hian i fimkhur \heuh ang u.

Kan Pi leh Pute khan ramngaw \ha tak tak leh nungcha te min pe in min hnutchhiah a, heng hi a tichereu zawnga hmalak leh tha thawh hi \hangthar ten kan tih tur a ni lo. Heng kan ramngaw leh nungcha kan neih te hi a humhalhtu nih tlat i tum ang u. Kangmei avanga kumtin a kan ramngaw zau tak kang chhe duai duai \hin te hi \hangthar te hian a uihawm zia hi i hre thar mawlh ang u. Kangmei laka kan fimkhur loh chuan he kan Zoram nuam tak hi reilote-ah thlaler ram ro-ah a la chang mai ang tih a hlauhawm. Chuvangin he ram neihchhun hi chhuang taka 'Kan Zotlang ramnuam hi Chhawrpial run i iang e' kan tih zel theih nan kangmei lakah mitin te i fimkhur \heuh ang u.