Semi Indoor Tennis Stadium sak thar hawng.

** Serchhip tana hman tur Grass thleng \ep tawh 

Sports Minister Zodintluanga chuan Inrinni khan Aizawl Tennis Club, Semi Indoor Tennis Stadium sak thar chu a hawng. Hawnna thu sawiin Zodintluanga chuan, “Mizoram sorkarin hun reilote chhungin hmasawnna hna \hahnem tak a thawk a, thingtlang leh khawpui chhungah hmasawnna ruhrel ding thar hmuh tur tam tak a awm a, sports lamah phei chuan hmasawnna a tam lehzual,” a ti. Minister chuan Champhai, Kolasib leh Lungleiah Stadium puitling, 8 lane Athletic Track chhunga Artificial Grass, a entu mipui \hutna tur gallery changkang tak neih theihna tur siam zawh \ep tawh niin Serchhip Stadium-a Artificial Grass phah tur pawhin Kolkata a thleng tawh niin a sawi bawk 

Semi Indoor Tennis Stadium sakna tur hian Special Plan Assistance a\angin sorkar chuan cheng nuai 100.80 pein, kum 2015 May ni 25 a\ang khan sak \an a ni a, October ni 12, 2016 ah zawhfel a ni. Stadium dung hi metre 37, a vang metre 18.70, a zau zawng 691.9sqms. a ni a. A chung hi a hniam lai berah metre 9.50 niin a sang lai berah metre 11.70 a ni. A chung dyna roof, a chhuat rubberised synthetic flooring niin zanah pawh inkhelh theih turin Indoor Lighting System siam a ni.