Posts
MRB Chhiahtlang Branch rawk a ni
Nizan hmasa (8th Sept. 2013) zan khan Chhiah-tlang-a Mizoram Rural Bank (MRB) Branch Office chu mi tu tih hriatlohin rawkin Internet Server leh File pawimawh awmna Computer Set zawng zawng a ruchhuak.
Serchhip District Local Administration Officer Office kum 10 tlin lawmna neih a ni.
Serchhip District Local Administration Officer (DLAO) Office in kum 10 a tlin lawmna chu nimin khan neih a ni a, Pu H. Lalchhuan-awma, Deputy Director, LAD chuan a rawn hmanpui a ni.
Thenzawl-a Tribal Girls Hostel sakna tur lungphum phum a ni.
Home Minister Pu R. Lalzirliana chuan nimin khan Thenzawl khua ah Tribal Girls Hostel sakna tur lungphum a phum a, Govt. Thenzawl H/S, RMSA hnuaia sak thar chu a hawng nghal bawk.
Chief Minister in MZP Office building thar Aizawl-ah a hawng.
Cheng nuai 190.1 senga sak Mizo Zirlai Pawl (MZP) General Hqrs. Office building thar, MZP Pisa Pui, Treasury Square, Aizawl-a Education Department office bul ami chu nimin khan Chief Minister, Pu Lal Thanhawla chuan a hawng.
Naktuk zing dar 5:00 a\angin Total Bandh neih tum. Serchhip-ah pawh kenkawh tura ruahman a ni.
Mizoram-a eptu party lian ber, MNF Party chuan naktuk zing dar 5:00 a\ang khian Mizoram pumah Total Bandh huaihawt an tum a, hemi ang hian Serchhip-ah pawh Total bandh hi neih tura ruahman a ni.
ZWO ten High Court-ah Petition thehlut
Zofa Welfare Organisation (ZWO) chuan Joint Action Committee on Innerline Forest Reserve and Implementation of the Scheduled Castes and Scheduled Tribes (Prevention of Atrocities Act) 1989) hmalakna kal zelah he dan hi a taka hman a nih thuai theih nan, August ni 28, 2013 khan Gauhati High Court, Aizawl Bench-ah 'Petition' an thehlut.
Governor hovin Onam Kut hman a ni
Kerala Cultural Forum, Aizawl buatsaihin Inrinni kalta khan Kerala State Kut pawimawh ber ‘Onam’ chu Aizawl Chanmari YMA Hall-ah hman a ni a, he Kut pawimawh tak hi Mizoram Governor, Pu Vakkom Purushothaman chuan khawnvar halin he Kut lawmna hi a hawng a ni.
PARDC ten Cabinet Meeting nghaka hmalak tum
Pay Anomaly Redressal Demand Committee (PARDC) chuan September 11, 2013 Cabinet Meeting neih turah an thilphût a tihhlawhtlin a nih loh chuan chaw ngheia sorkar nawr an rel.
|awipui North-II a tualthattu Police te hnenah inpuang tawh.
|awipui North-II a tualthahna rapthlak tak thleng chu C. Lalramzauva s/o Lianngengi chuan Police hnenah a tih a nih thu a inpuang nia thudawn a ni .
Assembly inthlanpui neih tura inbuatsaihna atan Training pawimawh tak Serchhip-ah neih a ni.
Mizoram in kumin kumtawpa Assembly inthlanpui a hmachhawn tur atana inbuatsaihna kal mekah nimin (6th Sept. 2013) khan Serchhip District chhunga Election Official, RO, ARO, AERO-te bakah tlawmngai pawl hrang hrang aiawhte, MPF aiawhte leh MJA aiawhte tan training neih a ni.
NLUP 3rd & 4th Phase \anpuina sem
Nimin (6th September, 2013) khan District Sericulture Office, Serchhip a\angin he Department hnuaia NLUP 3rd Phase leh 4th Phase hnuaia Pangang vulh thlangtute tan \anpuina first installment pekchhuah a ni.
State Level Students Science Seminar neih a ni
SCERT Science Promotion Wing buatsaihin 6th Sept. 2013 khan Aizawl Chanmari YMA Hall-ah State Level Students Science Seminar vawi 33-na chu neih a ni a, he hun hi Education Minister Pu Lalsawta chuan a hmanpui a ni.
YMA Branch Hnam Lam-a intihsiakna zawhfel a ni.
Mizoram sorkar Art & Culture Department leh Central YMA \angkawp buatsaih Chief Minister’s Running Trophy in YMA Cultural Dance Competition vawi 11-na chu 6th Sept. 2013 khan Hawla Indoor Stadium, Republic Vengthlang-ah kharna leh lawmman semna hun hman a ni.
MNF te Total Bandh neih tur chungchang CM in sawi.
MPCC President, Chief Minister Pu Lal Thanhawla chuan MNF Party in Total Bandh huaihawt an tum chhan hi an hotupa Account ah Cheng vbc. 8 vel a awm vang chu ni zawk se a awm zawk, a ti.
JC Security Guard Passing Out-Parade neih a ni.
Parliamentary Secretary, Pu Lal Thanzara chuan niminpiah (6th Sept.) khan JC Security Guard 15th Batch Passing Out-Parade chu Aizawl Electric Veng YMA Hall-ah hmanpuiin, training chhuak te Certificate a hlan a ni.
Damlo te tana Agriculture Department in Chhingchhip-a Khualbuk an sak hawn a ni.
Agriculture Department in WDPSCA sum cheng nuai 2.9 senga Chhingchhip CHC bula ‘Khualbuk’ an sak chu nimin khan Agriculture Department Director, Dr. C. Lalzarliana chuan hawngin Serchhip District-a Agriculture Department a thawkte Serchhip-ah a kawm nghal bawk.
Serchhip-ah Teachers’ Day urhsun taka hman a ni.
Zirtirtute ni (Teachers’ Day) vawi 52-na (Sept ni 5, 2013) chu nimin chawhnu dar 2:00 khan DC’s Conference Hall Serchhip-ah urhsun taka hman a ni.
MLA Fund hmang diklo sim turin hriattir
Chief minister Pu Lal Thanhawla chuan MLA Fund hmang diklo Unit/Block te tana hnawk MLA te chu sim turin a hriattir. Nimin a Congress Bhavan-a thu a sawina ah MLA inthlanna neih tur chungchang sawiin Pu Lal Thanhawla chuan, headquarter a\anga candidate siam te chu Unit leh Block hruaitute hian an duh loh anih pawhin ram hmasawnna tura thawk chhunzawm tur an la nih avangin candidate apiang te chu mittui tla chung pawha lo vote turin a ngen nghal bawk. Karleha MNF ten bandh an huaihawt tur chu Chief Minister chuan dodal tumna a awm loh thu a sawi a, amaherawhchu mahni duh dan ti hlawhtling tura midang harsatna ngaihtuah hi a \ha em tih inzawh a ngai a ni, a ti a, Power siamchhuahna kawnga Mizoram-a lui zawng zawng khuah an tum chu ramngaw tichhe thei tur a nih avangin ruahmanna dang an siam tak thu a sawi lang bawk.