Nizan hmasa (8th Sept. 2013) zan khan Chhiah-tlang-a Mizoram Rural Bank (MRB) Branch Office chu mi tu tih hriatlohin rawkin Internet Server leh File pawimawh awmna Computer Set zawng zawng a ruchhuak.
He thil hi nizan hmasa dar 11:30 hnu lama thleng nia hriat a ni a, Bank rawktu hian Internet thlunzawmna pui ber, Internet Server leh Computer, he Office File pawimawh zawng zawng awmna chu a vaiin a ruchhuak a, lehkha pawimawh chi hrang hrang dahna Steel Almirah pahnih pawh karchhiain a chhunga File pawimawh erawh bo a awm hriat a ni lo. He bank rawktu hian kawngkapui kawngkhar chu kar chhiain Bank ah hian a lut niin a lang a, pawisa dahna Safe erawh a khawih lo nia hriat a ni. Mizoram Rural Bank Chhiahtlang a mi rawk a ni tih hi In neitu leh Inchung a awm, Pu C. Lalengliana zing \awng\ai inkhawm haw lamin nimin zing dar 6:10 vel khan hmuin, ani hian Bank a thawktute hriattir nghalin thawktute chuan Serchhip Police Station-ah FIR an thehlut nghal a, Serchhip Police te chuan he thiltitu hi chhuizui nghal in Bank a CCTV Record enin a chhui hna ngawrh takin an thawk nghal a, he thu buatsaih lai thleng hian rinhlelh thila man an neih erawh hriat ala nilo thung. Mizoram Rural Bank, Chhiah-tlang a hnathawhna khawl pui ber ruk chhuah a nih avang hian dawr theih an ni lova, thawktute chuan mipuite hriatthiamna an ngen.
Comments
Post a Comment