Latest News

Thenzawl-a Tribal Girls Hostel sakna tur lungphum phum a ni.

Home Minister Pu R. Lalzirliana chuan nimin khan Thenzawl khua ah Tribal Girls Hostel sakna tur lungphum a phum a, Govt. Thenzawl H/S, RMSA hnuaia sak thar chu a hawng nghal bawk.
He hunah hian Home Minister, Pu R.Lalzirliana chuan he Tribal Girls Hostel hi mithiamten sak dan tur an ruahman ang ngei a sak a nih theih a beisei thu a sawi a, khawtlang hruaitute leh mipuite chu in ti neitu taka hnathawktute \awiawm turin a chah a. Zirlaite leh Zirtirtute chu hmunhma \ha neih ringawt duh tawk lo a rah chhuah \ha tak nei tura \ang turin a fuih a. Mi thluak \ha hman \angkai nachang hria sorkar kan nei chu lawmawm a tih thu sawiin, NECS hmalakna te fakin, \hahnemngai taka an thawhna chu lawmawm a tih thu a sawi bawk.
    Tribal Girls Hostel hi kum 2012 a NECS leh Mizoram University & Social Welfare Department MoU ziak bawhzui azarah sum hmuh \an a ni a. Sorkar laipuiin sum 100% a tum a ni. Mizoram tan Tribal Girls Hostel pasarih (7) sakna tur Rs. 2,660.59 lakhs sorkar laipuiin a sanction tawh a, chuta \ang chuan Rs 1,873.00 lakhs Mizoram sorkarah a release tawh a ni. Mizoram sorkar leh NECS MoU a sign angin heng project te hi Design & Build System a sak vek tur a ni. He Tribal Girls Hostel, Thenzawla sak tur hi a building pumpui lenzawng chu 1074.44sq.m a ni a, Rs. 359.83 lakhs a sak zawh tur a ni. A building sak hna hi lungphum zawh hian sak \an tum a ni a, thla 18 chhunga zawh hman tur a ruahman a ni.

Comments

Popular News (Last 30 Days)