Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

NLUP 3rd & 4th Phase \anpuina sem

Nimin (6th September, 2013) khan District Sericulture Office, Serchhip a\angin he Department hnuaia NLUP 3rd Phase leh 4th Phase hnuaia Pangang vulh thlangtute tan \anpuina first installment pekchhuah a ni.
Nimin a NLUP \anpuina semchhuah a nih rual hian he Department hnuaia NLUP-a Pangang vulh thlangtu kal-khawmte chu department mithiam ten Pangang khawi dan chungchangah zirtirna pein an hna thawh dan tur rua-hmanna leh \anpuina an dawn te an hmanna tur sum \hen hran dante kawhhmuhin an zirtir nghal a ni. He huna lo kal pangang vulh thlangtute hi 3rd phase atan chhungkaw 18 leh 4th phase atan chhungkaw 4 an ni a, \anpuina pawisafai Rs. 10,000/- \heuh an Bank Account-ah thun sak an ni a, heng an pawisa pekchhuah te hi lo vah nan leh an hnathawhna tur hmunhma buatsaihna (land preparation) atana hman tur a ni ang.

Comments

Popular News (Last 30 Days)