Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Chief Minister in MZP Office building thar Aizawl-ah a hawng.


Cheng nuai 190.1 senga sak Mizo Zirlai Pawl (MZP) General Hqrs. Office building thar, MZP Pisa Pui, Treasury Square, Aizawl-a Education Department office bul ami chu nimin khan Chief Minister, Pu Lal Thanhawla chuan a hawng.
MZP Office thar hawnna ah hian Chief Minister chuan mahni puala MZP in office \ha tak an nei chu an tan rahbi pawimawh tak a ni, a ti a, Zirlai ni chung si a hetiang hmun leh office \ha tak an sualchhuak chu a ropui hle a ni, a ti bawk. MZP Pisa Pui hmun (ram) hi January ni 7, 2004 khan sorkarin a pe a, kum 25 chhung an hmang hawh thei (Lease) dawn a ni. A building sakna tur hian DoNER Ministry ah Post Matric Students’ Boys Hostel hminga DPR thehlutin, a sakna senso tur Rs. 190.1 lakhs DoNER chuan a rawn sanction a. A sak hna hi 2nd April 2011 \anin 2nd October 2012 khan sak zawh a ni. He building hi Mizopa chhiarin chhawng sarih a sang a ni a, Office bakah Hall, Canteen, hahchawlhna room, parking leh basement te a awm a ni. Kumin 2013 August ni 13 khan MZP hruaitute hian an luah \an a ni. MZP Office hawnna hun hi MZP Vice President, Pu Lalsangzuala Ngente in a kaihhruai a ni.

Comments

Popular News (Last 30 Days)