Serchhip news tawi :

Total Bandh nei dawn
@@ MNF Party in tukin zing dar 5:00 a\anga tlai dar 5:00 thlenga Mizoram puma Total bandh huai-hawt an tum angin Serchhip-ah pawh he Total Bandh hi kenkawh tum a ni a, he Total Bandh neih tur hi thlawp \heuh turin Serchhip East Block MNF chuan mipuite an ngen a ni.

PIC inbuatsaihna thlir
@@Naktuk Sept. 11, 2013 a\anga 13th Sept. 2013 chhung hian Ser-chhip District-ah Bharat Nirman Public Information Campaign chu neih a ni dawn a, hemi atana inbuat-saihna thlirin nimin khan Line Department hrang hrangte Addl. DC, Pu Lalsangliana hovin an \hukhawm a, naktuk-a he Campaign hawnna hunah hian Lt. Col ZS.Zuala, Parliamentary Secretary chu khual-lian a ni anga, Zirtawpni-a a kharna ah Education Minister Pu Lalsawta chu khuallian a ni ang.

Gas harsatna sawifiah
@@LPG Mizofed Serchhip Branch Manager hnen a\anga thu kan dawn danin IOC lam a\angin Cylinder Condemn, Repairing leh Repainting an thawh avanga Cylinder indaih-lohna avangin Gas a thleng chhe hle a, hei vang hian Mualkhang Plant in an chawm Aizawl chhak lam ten Gas harsatna an tawk mek a. Hei bakah hian Kawnpui leh Kham-rang inkar kawng chhiaah Gas phurtu Motor lian (Bullet) ten harsatna an tawh avanga Gas a thlen \hat loh avangin Gas lamah harsatna a thleng mek niin a sawi bawk.

Inhlawhna sem dawn
@@MGNREGS hnuaiah mipuite inhlawhna tur sum chu VC hrang hrangah pekchhuah mek a ni a, tun \umah hian ni 8 inhlawhna atan sum hi pekchhuah a ni.