MNF te Total Bandh neih tur chungchang CM in sawi.

MPCC President, Chief Minister Pu Lal Thanhawla chuan MNF Party in Total Bandh huaihawt an tum chhan hi an hotupa Account ah Cheng vbc. 8 vel a awm vang chu ni zawk se a awm zawk, a ti.

He thu hi an Party Office-a inkhawm neih ah sawiin Lal Thanhawla chuan “Tun sorkarah eiruk, rorelna dik lo ah te MNF chuan min kawhna tur an hmuh loh avangin Total Bandh siam an tum a, hemi ah hian Health Minister chu mimal taka beiin engmah document an nei si lo a, chutiang anih avang chuan thu tlingah ka ngai lo,” a ti. “MNF-in Total Bandh huaihawt an tum hi a lawmawm a, sorkar hnathawk, sikul kal leh sumdawng miten chawlh hahdamna hunah an hman duh a rinawm a, an lawm hle ang ka ring,” a ti a. “Nimahsela Kristian te tihah chuan a \ha ber em tih ngaihtuah a ngai a, bandh neih avanga mipuiin harsatna an tawh theihna kawng tam tak ngaihtuah chian a ngai zawk a ni,” a ti bawk. Hei bakah hian Lal Thanhawla chuan chal hnawihsen chungchangah, “Hindu ten an mi ngaihsan zawng leh an duhsak zawng lawm nan an tih \hin a ni. Hnam dangin mipuite zarah min hriaa sang takah pawh min dah ve a, chutiang anih vanga inlawmna min pe \hin hi ka lawm a. Chal hnawihsen hi Hindu nihna chu ni se a dawh pawh ka dawh chhin miah lo ang tih hi Kohhran mipuiten min hriatsak se ka duh a, min sawiseltute hian hnam dang social custom leh religious culture an hre hrang lo anih chuan khua leh tui \ha an ni thei lo ang," tih a sawi bawk.