State Level Students Science Seminar neih a ni

SCERT Science Promotion Wing buatsaihin 6th Sept. 2013 khan Aizawl Chanmari YMA Hall-ah State Level Students Science Seminar vawi 33-na chu neih a ni a, he hun hi Education Minister Pu Lalsawta chuan a hmanpui a ni.

He hunah hian Pu Lalsawta chuan “Khawvel \hang chho zelah Science-in kan nun a luhkhung tak tak tih kan hrechho mek zel a, zirlaite pawhin hemi kawnga hriatna zau zawk leh chhenfakawm an neih a \ul a ni,” a ti. Mizoram chhunga zirna in hrang hrang leh pisaa thawkte thawhrimna chhuan-awm a tih thu sawiin, “In thawhrah hi kan ramin a la seng ngei ngei ang,” a ti bawk.
    He hun hi SCERT Director, Pi Malsawmthangi chuan kaihruaiin, Pi Sangthanmawii, Joint Director, SCERT hnen a\angin report ngaihthlak a ni bawk. Chawhnu lamah seminar neih niin, inelna lawmman sem nghal a ni. State Level Students Science Seminar hi Mizoram-ah kumtin 1979 a\anga neih \an niin, District level-a inelnaa a ti\ha pahnih ten State Level-ah inelna an nei leh \hin a ni. Kumin hian thupuiah “Water Resources: Issues and Challenges” tih hman a ni a, district tin aiawh mi pahnih \heuh, an vaiin mi 16 telin, heta lawmman pakhatna latu hian National Science Seminar 2013, Nehru Science Centre, Mumbai-a kumin November-a neih turah Mizoram ai a awh dawn a ni.