Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

PARDC ten Cabinet Meeting nghaka hmalak tum

Pay Anomaly Redressal Demand Committee (PARDC) chuan September 11, 2013 Cabinet Meeting neih turah an thilphût a tihhlawhtlin a nih loh chuan chaw ngheia sorkar nawr an rel.
PARDC hian September 2 a\anga hnathawk loa pisa an kai (pen/tool down strike) chu an titawp rih a, an thilphut sorkarin a tihhlawhtlin loh avanga an kal zel dan tur ngaihtuaha Mizoram Electrical Technical Staff Association office-a \hukhawm chuan September 11-a Cabinet Meeting thu-chhuak chu Mass Casual Leave lain, METSA pisa-ah a huhoa ngaihven an rel a, an thilphût a hlawhtling lo a nih chuan chaw ngheia nawr ni se, an ti. PARDC hruaitute chuan, an thil phût chu chaw ngheia nawr kher ngai loa sorkarin a tihhlawhtlin an beisei thu an sawi a, chaw an nghei hnu-ah pawh an thil phût chu a la hlawhtlin loh chuan an kal zel dan tur chu an rel \ha dawn tih sawiin, an thilphût chu a hlawhtlin hma loh chuan nawr zel an tum thu an sawi bawk.

Comments

Popular News (Last 30 Days)