MGNREGA kalphung thar duan chungchang sawiho

Nimin khan Rural Development & Administration Department changtu Minister Prof. Lalnilawma hovin MGNREGA-ah mipuite tana tangkai leh awmze nei zawka kalphung thar neih a nih theih nan DRDO Project Director leh BDO te chuan sawihona an nei.

Mizoram Secretariat Conference Hall-a he sawihona ah hian Minister Prof. Lalnilawma chuan MGNREGA hnuaiah thingtlang mipui ten hnathawh tur pek chanvo an neih angin MGNREGA hnuaiah mawhphurhna an nei tih a sawi a, dan ang taka mipui ten hna an thawh a, thingtlang mipui ten hlawk zawka he Scheme an chhawr theih chu Sawrkar duh dan a nih thu a sawi bawk.

He inhmuhkawmna ah hian thu ngaihtuah tur hrang hrang - Annual Action Plan chungchang te, Work Demand chungchang te, Permissible Work chungchang te bakah Online Reporting chungchang te sawiho niin hmasawn ngaihna lai ah theihtawp a Project Director te leh BDO te chu tang lehzual in turin a fuih bawk.