MBSE in result tichhuak

Mizoram Board of School Education (MB-SE) chuan nimin June 24, 2025 khan Higher Secondary School Leaving Certificate (HSSLC) leh High School Leaving Certificate (HSLC) Compartmental & Improvement Exam results chu a tichhuak.

MBSE in HSSLC Compartmental Exam a buatsaih ah hian Arts Subject-ah zirlai 59 in exam beiin mi 12 an pass a, za zela 20.34 in an pass a. Science Subject-ah zirlai 13 exam in mi 7 an pass a, za zela 53.85 pass in Commerce Subject-ah mi 8 exam zingah mi 4 an pass a, za zela 50.00 an pass a ni.

Heti hian HSSLC Exam, 2025-ah zirlai 12,281 ten Exam hmachhawnin zirlai 9,850 in an pass a, Compartmental Exam result chhuah hma a pass percentage 81.10% chu 81.37% ah a chho a ni.

HSSLC Improvemental Exam-ah Arts Subject-ah mi 12-ah mi 6 an hlawhtling a, Science Subject-ah zirlai 14 exam zingah 6 hlawhtling bawkin Commerce Subject-ah zirlai 3 exam zingah hlawhtling an awm lo thung a ni.

Pawl 10 zirlaite tana HSLC Compartmental Exam buatsaih ah zirlai 58 exam  atangin pass 26 an awm a, pass percentage chu 44.83% an ni a, Improvemental exam-ah mi pahnih exam te an hlawhtling ve ve thung a ni. Heti hian HSLC Exam, 2025-ah Zirlai Exam 19,303 zingah zirlai 14,558 an pass a, pass percentage a hmaa 76.68% chu 76.84%-ah a chho bawk.