Morque House hawng

Chalfilh Bialtu MLA leh Assembly Speaker Lalbiakzama chuan nimin khan MLA Fund atanga sak Phuaibuang PHC Morque House chu a hawng a, Bial chhung mipuiten hriselna lama an mamawhte theihtawpa a bawhzui reng thu sawiin, chhungkaw tinte Mizoram Universal Health Care Scheme (MUHCS)-ah inziaklut vek turin a sawm a. MUHCS chu a thlawna inenkawlna (cashless) a nih thu te, mi tam takin an chhawr tangkai mek thu te, inziaklut an pun zel thu leh sum harsatna lian tak kara sawrkarin mipui hmakhaw ngaia a kalpui thu te a sawi bawk. Assembly Speaker hian nimin khan Daido khua in Tuivai Zone & SADVA cum MLA Cup Women Volleyball Champion 2025 lawmna an neih chu a hmanpui bawk.