Serchhip District atangin mi pathum zinchhuak

Election Commission of India (ECI)-in a buatsaih India International Institute of Democracy and Election Management (IIIDEM), New Delhi-a training tur mi 45 te chuan nimin khan Mizoram an chhuahsan a, heng zingah hian Serchhip District atangin mi pathum an tel a ni.
Mizoram-a Assembly Constituency Bial 40 atanga mi pakhat theuh thlanchhuah Booth Level Officer (BLO) mi 34 leh Supervisor mi 6, an vaiin mi 40 bakah Electoral Registration Officer (ERO) mi 5 te chuan Election Commission of India (ECI)-in a buatsaih India International Institute of Democracy and Election Management (IIIDEM), New Delhi-a training turin nimin khan Mizo-ram an chhuahsan a. Heng zingah hian Serchhip District atangin mi pathum- T. Lalrinchhana (Ser-chhip AC); C. Laltlankima (Tuikum AC) leh Zairemthanga Ralte (Hrangturzo AC) te chu an tel a ni.

Ruahman lawk ang chuan Mizoram atanga kal mi 45 te hian Vawiin June 26 leh naktuk, 27-ah Training neiin June 28 khian Mizoram-ah an rawn kir leh anga. Training an neih chhung hian BLO mawhphurhna leh Electoral Roll buat-saihnaa BLO-te tih tur bakah Electronic Voting Machine (EVM) chungchang te an zir dawn a ni.