Hulhliap (Short Stay Centre)-ah 200 chuang dahlut

Ruihhlo ngai leh awmna hmun neilote lo enkawl lailawkna tura ruahman, Hulhliap (Short Stay Centre) chu niminpiah atanga khan kalpui tan a ni ta a, mi 200 dahluh an ni.

Hulhliap Short Stay Centre-ah hian niminpiah khan Batch khatna bultan niin mi 150 admit tum an nih laiin mamawhna avangin mi 200 chuang dahluh an ni a, Social Welfare Minister Lalrinpuii chuan Kohhran leh Tlawmngai pawl te chungah lawmthu sawiin, Hulhliap Short Stay Centre chuan ruihhlo bawih-a tang mek te tan nunthar an neih theihna hmun anih ngei theihna turin ttawngtaina lamah hriatzui a pawimawh thu a sawi a, a hlawhtlin ngei theihna turin tan la tlang zel turin kalkhawm te a sawm bawk a ni.

Social Welfare Minister sawi danin he hmunah hian ruihlo ngai te leh awmna hmun nei lo te chu ni 10 chhung Detoxing an ti anga, ni 5 chhung Psychological Counselling an neihpui ang. Ni 5 dang Synod Revival Camping Center-ah an lut ang a, chumi zawhah chuan mahni In lama haw duhte chu hawn tir an nih dawn bakah Centre a awm duhte chu an awm zuina tur ngaihtuah sak an ni dawn a ni.