Motor chesual-ah Zu man

Inrinni khan Serchhip Tuikhuah Veng, Lei-tlahniam-ah Motor pakhat chu kawngsir-ah tlain he Motor atang hian Rakzu tam tham tak man a ni.

Thudawn danin Inrinni (June 28, 2025) khan Serchhip Tuikhuah Veng-a Lei tlahniam-ah Car pakhat, Mz-01Z-2751 chu chesual in kawngsir a tuihawk luankawr-ah a tlan lut a, he Motor hi JCB hmanga khaichhuah a ni a, He Motor hi Traffic Police Duty te chuan enfiahin Rakzu tam tham tak a lo phur tih hmuhchhuah a ni a, Ser-chhip Police Station-a hriattir nghal niin heng Zu leh a phurhna Motor te hi an man ta nghal a ni.

Thudawn danin he Motor-a Zu phurh te hi Satha Ip 7-ah dah niin a vaiin litre 256 a ni a, Rs.128,000/- man vel niin a neitu nia hriat leh lirthei khalhtu Lalbiakmawii (28), Phunchawng-a khawsa nia insawi chuan heng Zu te hi Phunchawng atanga rawn lak a nih thu leh Hnahthial-a pek tur niin a sawi a, Serchhip Police te chuan MLP Act hnuaiah thubuai an siam sak a ni. Heti hian tunhnai, June thla chhungin Serchhip-ah Rakzu hlawm lian tak taka man tum thum a awm ta a ni.