Serchhip Police ten Rakzu tam tham tak an man

Serchhip Police te chuan nimin khan Chhingchhip khua ah Rakzu litre 640 zet manin a neitu nia hriat mi pakhat leh Zu phurhna atana hman Motor leh a khalhtu an man bawk.

    Thudawn danin nimin khan Chhingchhip khua ah heng Rakzu te hi man a ni a, Rakzu te hi Satha Ip pakhat ah litre 40 zela dahin Satha Ip 16-a dah a ni a, a vaiin litre 640 niin Zu neitu nia hriat Lalnunpari, Rangvamual nia insawi pawh man nghal a nih bakah heng Zu phurhna atana hman Bolero Pik-Up leh a khalhtu Vanlalliana, Saron Veng, Aizawl nia insawi te pawh man an ni bawk. Heng Zu neitu hian an Zu phurh te hi Rangvamual atanga rawn lak a nih thu sawiin, Siaha-a dah turin niin a sawi bawk. Heng Rakzu leh a kaihhnawiha man te hi Serchhip Police te chuan nimin vek khan Serchhip-ah rawn lain MLP Act hnuaiah thubuai siam sak an ni a, Vawiin hian Serchhip District Court-ah hruai an ni ang. Heng an zu man te hi tualchhunga hralhna atangin Rs. 3,20,000/- man vel nia chhut a ni.