Vawiin-ah Remna Ni 2025 hman a ni dawn

Vawiin June 30, 2025 hi MNF ten India laka zalenna an sual avanga kum 20 zet Mizoram in rambuai a tawh hnua India sawrkar leh MNF ten Inremna an ziahna Ni, Remna Ni a ni a, sawrkar Pisa chawlh niin Sawrkar Pisa leh Zirna In te khar a ni ang.
MNF ten India lakah zalenna sualin kum 1966 atangin Mizoram chu a buai a, kum 20 leh thla 3 chhung rambuai-a kan awm hnuin MNF leh India sawrkar aiawh te chuan Dt. 30.06.1986 zan dar 1:00 PM-ah Inremna an ziak a, he inremna thluthlung ah hian India sawrkar aiawhin Home Secretary R.D.Pradhan, MNF Party aiawhin an President Laldenga leh Mizoram sawrkar aiawhin Chief Secretary Lalkhama te chuan hming an ziah hnan a ni.

Remna Ni hi hmun hrang hrangah lawm a ni leh dawn a, Aizawl-ah chuan MZP General Hqrs. bultumin a lawmna neih a ni anga, MNF Party in hmun hrang hrangah an hmang bawk ang.