Raltlan chhinchhiahna tur buaipui chhoh mek a ni

Nimin khan Saitual-ah Foreigner Identification Portal-a biometric leh demographic hmanga raltlante chhinchhiah dan tur relin District chhunga Officer te an thukhawm.

    Sawrkar laipui-a Ministry of Home Affairs chuan India rama raltlan chengte chu Foreigner Identification Portal-ah biometric leh demographic hmanga chhinchhiahna kalpui turin ruahmanna a siam a, hemi chung-changa Mizoram Home Department-in thu a chhuah angin Saitual District-a raltlan awmna khuaah te he hna hi kalpui tur a ni a. Hemi atan hian Team pahnih siamin Team-I te hian Saitual Venglai, Saitual III, Keifang Venghlun, Keifang Leitan, Rulchawm, Ruallung, Mualpheng leh Tawizo-ah te Enrolment hi an kalpui ang a, Team-II te hian Kawlbem, Ngopa Chhim Veng, Ngopa Hmar Veng, Hliappui leh Dilkhan-ah te enrolment hi an kalpui bawk ang. Saitual District-ah hian Myanmar raltlan mi 211 an awm a, Manipur raltlan hi mi 244 an awm bawk a ni.