Maharashtra Public Service Commission te rawn zin

Maharashtra Public Service Commission Chairman leh Member bakah an thawhpuite chuan Mizoram rawn tlawh mekin nimin khan Mizoram Public Service Commission Office tlawhin Joint Meeting an nei.

Maharashtra Public Service Commission Chairman, Dr. Dilip Pandharpatte leh Member 3, Secretary leh Under Secretary te hian tun thla ni 25 atang khan Mizoram hi rawn tlawhin nimin-a MPSC hotute nen Joint Meeting an neih hi MPSC Chairman JC. Ramthanga chuan a kaihruai a, MPSC Chairman chuan Maharashtra State lian atanga MPSC an rawn tlawh leh thil hriat belh duha an lo kal chu chhuanawm a tih thu leh, an thahnem ngaihna chu fakawm a tih thu a sawi a. State hrang hrang PSC te intlawh tawn leh inzir tawn a pawimawh thu te a a sawi a bawk a. Maharashtra Team te chu Mizoram-a an cham chhunga hun hlimawm tak an hman a duhsak thu a sawi bawk.

Maharashtra Public Service Commission-a Chairman Dr. Dilip Pandharpatte pawhin Mizoram an tlawh thei chu lawmawm a tih thu sawiin, State hrang hrang Public Service Commission te intlawh leh inzir tawn a pawimawh thu a sawi a. Mizoram chu State te mah ni sela Public Service Commission zahawm leh hmingtha tak a nih thu te a sawi bawk.

He hunah hian Mizoram Public Service Commission hmalakna leh kalphung hrang hrangte tarlan niin hemi hnu hian thil pawimawh leh tangkai hrang hrangte sawihona neih zui a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result