Tennis inelna ‘Serchhip Open’ khelh zawh a ni

Serchhip District Tennis Association buatsaih ‘Serchhip Open’ Mizoram Tennis Ranking Tournament chu nimin khan khelh zawh a ni. Tun thla ni 24 atanga Leisekawt Tennis Court-a khelh he Tournament-ah hian category 9-ah inelna neih a ni a, heng zinga pathum chu Junior Level inelna a ni. Nimin-a Category hrang hranga Final khelh ah mi 4 telna Under-12 ah C. Lalrawngbawla (LDTA) Ezra C. Lalrotluanga (LDTA) chu 6-1 a hnehin a Champion a. Mi 9 telna Under-14 ah K. Lalthangliana (RTC) chuan Lalhruaitluanga (K-12) chu 6-2 a hneha Champion in mi 5 telna Under-16 ah K. Lalliantluanga chuan K. Lal-thangliana (RTC) hi 6-2 a hnehin a Champion ve bawk a ni.

Men's Singles-ah mi 24 telin Innocent Lalrindika (MPTC) chuan 6-2, 6-2 a Lalrinpuia (LDTA) hnehin a Champion a, Men's Doubles ah pair 8 telin Lalrindika (MPTC) leh Calvin Lalremsiama (ATC) chuan Vanlalpekhlua leh Lalrinfela (SDTA) te tangdun chu 8-3 a hnehin an Champion a. Men's Singles (35+) ah mi 15 telin Lalthanmawia (ATC) chuan Vanlalrinliana (SDTA) chu 6-4, 6-4 a hneha Champion in Lalthan-mawia hian mi 6 telna Men's Singles (45+) ah S. Lalrintluanga (SDTA) chu 8-7 (7-1) a hnehin a Champion bawk a ni.

Men's Singles (60+) ah mi 3 telin C. Laltanpuia (LDTA) chuan Herman S. Khuma (K-12) chu 6-3 a hnehin a Champion bawk a, Men's Doubles (35+) ah pair 4 telin Vanlalrinliana (SDTA) leh Lalthanmawia (ATC) te tangdun chuan S. Lalrintluanga leh Zoramsiama (SDTA) te tangdun chu 8-3 a hnehin an Champion bawk a. Lalthanmawia hian inelna chi thum-ah Champion Trophy a chawi vek a ni.