Vote tlak that nan MHIP te nen thawkho dawn

Serchhip District chhunga Assembly Constituency pathum (3)-ah hmeichhia ten vote thlak pawi-mawh zia an hriat a, hmeichhe vote thlak percentage a san theihna turin District Election Office leh MHIP Sub-Hqrs. Serchhip te chuan thawhhona thuthlung an ziak.
Hemi chungchanga thawhhona thuthlung hi Systemic Voters Education and Electoral Participation (SVEEP) kaltlanga ruahman niin hmalak ho dan tur ngaihtuah hian SVEEP Nodal Officer Lalnunmawii leh Dr. Zarzosanga ten Meeting koin MHIP hruaitute nen a kalphung tur an duang a. MHIP Sub-Hqrs. Serchhip te hian Executive Committe ah an pass fel hnuah he inremna ang hian hmalak chhunzawm nghal a ni dawn a, he thawhhona hi nimin khan Serchhip District Election Officer (DEO) David Lalthantluanga leh MHIP Sub-Hqrs. Serchhip President Lianthangi te chuan Serchhip DC Office-ah an hming an ziah hnan a ni.


MHIP Sub-Hqrs. Serchhip hnuaiah hian MHIP Branch 83 awmin Serchhip District-a Assembly Constituency 3-ah heng MHIP Branch hrang hrangte hi an inzarpharh a. Nimin a inremna ang hian MHIP te chuan an Branch kaltlangin hma an la ang a, Social Media hmang te, Vengchhung chanchinbu kaltlang te, Veng chhung Information Mike kaltlang te in hmeichhe voters te vote thlak tul zia an zirtir thin dawn a. Heng bakah hian MHIP Branch tin te hian anmahni remhriat dan anga hma la turin zalenna an nei dawn bawk a, Vote thlak ni thlengin Awareness Campaign hi an kalpui dawn a ni.

Inremna angin MHIP Branch tin te tan Voet tlak tamna ah inelna neih tur niin Vote za zela 90 tlakna Branch te chu Special Prize pek an ni dawn a, Vote za zela 85 chin chunglam tlakna Branch te zingah a titha pakhatna atanga pathumna te tan lawmman siamin Vote za zela 80 vote tlakna Branch zawng zawng in Consolation Prize an dawng dawn bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar