BJP in MNF hnawk min ti hle - MNF

MNF party chuan Mizoram Assembly inthlan lo awm turah an Party chu BJP-in hnawk an ti hle niin an sawi.

Inrinni-a thuchhuah an siamah MNF party chuan tunhnai a India ram BJP hruaitute Mizorama lokalte'n inthlan lo awm turah Campaign rusum an rawn thlak nasa hle tih sawiin, Mizorama sawrkarna chang mektu MNF party chu vawi duai lo rawn sawichhia-in, hmelma enin an rawn en a ni ber tih an sawi a, ‘Pathian leh kan ram tan’ titlattu Sakhaw tih bik nei MNF Sawrkar a nihzia an rawn hrechiangin, ram leh hnam kaihhruai hna an thawhna kawngah an party chu hnawk an ti hleah an ngaih thu an sawi a. India Secular State hnuaiah Mizo hnam sakhaw humhim tura hnam party an nihna anga an chetzia an hmuchiang hle ah an ngai niin an sawi bawk.

MNF thuchhuah chuan ram neitu rilru nena MNF in Sawrkarna an kalpui chu Hindu Sakhua leh rinna tundin tum tlat BJP Party tan chuan a hnawk em em reng a ni, tiin mi tam takin MNF leh BJP chu thawkdun leh thuk taka inzawm ang hialin sawi thin mahse, BJP hotute chetzia leh khawsak phung hian MNF leh BJP thawhho lohzia leh an inzawm lohzia a pholang chiang hle ah an ngaih thu an sawi a. “Thawhpui an tum leh biakrawn an neih mek chu rawn bei ve hauh lovin, an tan bengchheng hauh lovin ZPM tan kawng an hawn sak mekah kan ngai a ni,” tiin “Sum leh hmasawnna chauh hi kan dam chhan a ni lova, kan hnam leh kan Sakhua a him hmasak phawt hi MNF chuan tul a ti,” an ti bawk.

Comments

Popular News (Last 30 Days)

LPG man bithliah thar